އާސެނަލް އަށް ކުޅެމުން އަންނަ މޮރޮކޯގެ ފޯވަޑް މަރޫން ޗަމަކް ލޯން ޓްރާންސްފާ އެއްގެ ދަށުން ވެސްޓް ހޭމް އަށް ސޮއި ކޮށްފި އެވެ.
އޭނާ ވެސްޓް ހޭމް އަށް ކުޅޭނީ މި ސީޒަންގެ ނިޔަލަށެވެ. ޗަމަކް 2010 ވަނަ އަހަރު ފްރާންސްގެ ބޯޑޯ އިން އާސެނަލް އަށް ބަދަލު ވުމަށް ފަހު އެދެވޭ ކުޅުމެއް ދައްކާފައެއް ނުވެ އެވެ. މީގެ ސަބަބުން ފުރަތަމަ އެގާރައިގައި އޭނާ އަކަށް ފުރުސަތެއް ނުލިބެ އެވެ.
މިއީ މި މާކެޓްގައި އެ ޓީމަށް ގެނެވުނު ދެވަނަ ކުޅުންތެރިއާ އެވެ. ލިވަޕޫލްގެ ޖޯ ކޯލް ވެސް ވަނީ ފްރީ ޓްރާންސްފާ އެއްގައި ވެސްޓް ހޭމް އާއި ގުޅިފަ އެވެ.
ވެސްޓް ހޭމް އިން ރަނގަޅު ކުޅުންތެރިން ހޯދުމަށް ވަރަށް މަސަތްކަތް ކުރާ ކަމަށް ފާހަގަ ކުރެވެ އެވެ. ހަމަ ގައިމުވެސް މިފަދަ ކުދި ޓީމު ތަކުން މޮޅެތި ކުޅުން ތެރިން ހޯދުމުގެ ނަތީޖާ އަކަށް ވެގެން ދާނީ އެ ޓީމުތަކުގެ އިތުރަށް އިނގިރޭސި ލީގު ވެސް އިތުރަށް ވާދަވެރި ވެ ކުރިއެރުމެވެ.