މަތިންދާ ބޯޓެއް ވެއްޓި އޭގައި ދަތުރު ކުރަމުންދިޔާ ނައިޖީރިއާގެ ސިފައިންގެ ކޮމާންޑަރު ލެފްޓިނެންޓް ޖެނެރަލް އިބްރާހީމް އައްތަހީރް އާއި އިތުރު 10 ސިފައިންގެ މީހުން މަރުވެފައިވާ ކަމަށް އެ ޤައުމުގެ ސިފައިންގެ އޮފިޝަލުން ބުނެފިއެވެ.
އެ ބޯޓު ވެއްޓިފައިވަނީ ހުކުރު ދުވަހު، ކަޑުނާ އިންޓަނޭޝަނަލް އެއާޕޯޓުގެ ރަންވޭއަށް ތިރިކުރަން އުޅުމުގެ ތެރޭގައި މޫސުން ގޯސްވުމުގެ ސަބަބުން ކަމަށް ވެސް ކަމާއިބެހޭ އޮފިޝަލުން ބުނެއެވެ. މި ހާދިސާގައި މި 11 ސިފައިންގެ އިތުރުން ބޯޓުގެ ކްރޫ ވެސް ވަނީ މަރުވެފައެވެ.
ނައިޖީރިއާގެ ބްރިގޭޑިއާ ޖެނެރަލް މުހައްމަދު ޔަރިމާ ވަނީ މިހާދިިސާ ހިނގާފައިވާކަމުގެ ޚަބަރު އާންމުންނާއި ހިއްސާ ކޮށްފައެވެ. އަދި ހާދިސާ މެދުވެރިވާން ދިމާވި ސަބަބު އެނގުނުހާ އަވަހަކަށް އެކަން ހާމަކޮށްދޭނެ ކަމަށް ވެސް އޭނާ ވަނީ ބުނެފައެވެ.
The Nigerian Army regrets to announce the passing away of its Chief of Army Staff, Lieutenant General Ibrahim Attahiru. The sad event occurred following an air crash in Kaduna which also claimed the lives of 10 other officers including the crew.
— Nigerian Army (@HQNigerianArmy) May 21, 2021
އައްތަހީރު މިހާރު ހުރި މަގާމަށް އޭނާ އައްޔަން ކޮށްފައިވަނީ ބޯކޯ ހަރާމްއާއި ސިފައިންނާއި ދެމެދު ބަދަލު ކުރަމުންދާ ހަމަލާތަކުގައި ސިފައިންނަށް އިތުރު ކުރިއެރުން ދިނުމަށް ރައީސް މުހައްމަދު ބުޚާރީއެވެ.
ބުޚާރީ ވަނީ އައްތަހީރު މަރުވުމުން އެކަމާއި ހިތާމަ ކުރާކަމަށާއި އެއީ ލިބުނު ވަރަށް ބޮޑު ގެއްލުމެއްކަމަށް ވިދާޅުވެ، އާއިލާއާއި ސިފައިންނަށް ތައުޒިޔާ ވިދާޅުވެފައެވެ.