އިންޓަނެޓްގެ އަގު ހެޔޮކުރުމަށް މިސަރުކާރުން ވެފައިވާ ވައުދާއެއްގޮތަށް، ހެޔޮކޮށްފައިވާ އަގުތައް މާދަމާ އިއުލާނު ކުރަން ހަމަޖައްސައިފިއެވެ.
މައުލޫމާތު ލިބިފައިވާ ގޮތުގައި އިންޓަނެޓްގެ ހެޔޮ އަގުތައް ސަރުކާރުން އިއުލާނު ކުރުމަށް ހަމަޖެހިފައިވަނި މާދަމާ އޮންލައިންކޮށް ބާއްވާ ރަސްމިއްޔާތެއްގައެވެ.
އެހެންނަމަވެސް މިކަމާ ގުޅޭ އިތުރު ތަފްސީލެއް މިހާތަނަށް ލިބިފައެއްނުވެއެވެ.
އިންޓަނެޓްގެ އަގު ހެޔޮ ކުރުމަށްޓަކައި ކަމާބެހޭ އިދާރާތަކުން ވަނީ މިމަހުގެ ކުރީކޮޅު މަޝްވަރާވެސް ކޮށްފައެވެ.
އިންޓަނެޓްގެ އަގު ހެޔޮ ކުރުމަކީ މިސަރުކާރުގެ ވައުދަކަށްވިއިރު މިހާހިސާބަށް އައިރުވެސް އެކަން ނުވެ އޮތުމުން ގިނަބައެއްގެ ފާޑުކިޔުންވަނީ އަމާޒުވެފައެވެ. އަދި ކުރީގެ ކޮމިއުނިކޭޝަން މިނިސްޓަރު މުހައްމަދު މަލީހް ޖަމާލް މަގާމުން ދުރުކުގައިވެސް، އިންޓަނެޓްގެ އަގު ހެޔޮ ކުރުމަށް އެކަށީގެންވާ މަސައްކަތް ނުކުރާކަމަށް ތުހުމަތުކޮށްފައިވެއެވެ.