ހުޅުމާލޭ ކޮވިޑް ފެސިލިޓީގައި ތިބޭ ބަލިމީހުންނަށް އަޅާނުލާ ކަމަށް އެ ފަރާތްތަކުން ގުޅާފައި ބުނަމުންދާ ކަމަށް ނައިފަރު ދާއިރާގެ މެމްބަރު އަދި ޕީޕީއެމްގެ ނައިބު ރައީސް އަހުމަދު ޝިޔާމް ވިދާޅުވެއްޖެއެވެ.
ޝިޔާމް ކުރެއްވި ޓްވީޓްގައި ވަނީ ހުޅުމާލެ ކޮވިޑް ފެސިލިޓީއިން ގިނަ ޢަދަދަކަށް މީހުން މަރުވާ މައްސަލައަކީ ކަންބޮޑުވާ ކަމެއް ކަމަށާއި ފެސިލިޓީގައި ތިބޭއިރު އަޅާނުލާ ވާހަކަ ފެސިލިޓީގައި ތިބޭ ބަލިމީހުން ގުޅާފައި ބުނަމުންދާ ކަމަށެވެ.
ހުޅުމާލެ ކޮވިޑް ފެސިލިޓީއިން ގިނަ ޢަދަދަކަށް މީހުން މަރުވާ މައްސަލައަކީ ކަންބޮޑުވާކަމެއް. ފެސިލިޓީގައި ތިބޭއިރު އަޅާނުލާވާހަކަ ފެސިލިޓީގައިތިބޭ ބަލިމީހުން ގުޅާފައި އެބަބުނޭ. އަޅުގަނޑުގެ ރައްޓެއްސެއް މިއަދު އަންހެނުންނަށް ގުޅާފައި ޕެނަޑޯލް ކާޑެއް ފޮނުވާލަދިނުމަށް އެދުނު 😢@HPA_MV
— Ahmed Shiyam (@Shiyamaldives) May 23, 2021
"ހުޅުމާލެ ކޮވިޑް ފެސިލިޓީއިން ގިނަ ޢަދަދަކަށް މީހުން މަރުވާ މައްސަލައަކީ ކަންބޮޑުވާ ކަމެއް. ފެސިލިޓީގައި ތިބޭއިރު އަޅާނުލާ ވާހަކަ ފެސިލިޓީގައި ތިބޭ ބަލިމީހުން ގުޅާފައި އެބަބުނޭ. އަޅުގަނޑުގެ ރައްޓެއްސެއް މިއަދު އަންހެނުންނަށް ގުޅާފައި ޕެނަޑޯލް ކާޑެއް ފޮނުވާލަ ދިނުމަށް އެދުނު." ޝިޔާމް ވިދާޅުވިއެވެ.
ހުޅުމާލޭ ފެސިލިޓީގައި ތިބި ބަލިމީހުންނަށް އެހީތެރިކަން ލިބުން ވަރަށް ދަށް ވެފައިވާ ކަމަށް އެ ފަރާތްތަކުން ބުނަމުންދާ ކަމަށް ގިނަ ބަޔަކު ބުނަމުން ދިޔަ ނަމަވެސް ތަނުގެ މުވައްޒަފުން ތިބި އަދަދާއި ބަލާ ވީއެންމެ އެކަށީގެންވާ ގޮތަކަށް ޚިދުމަތް ދެމުން ގެންދާ ކަމަށާއި އެއްވެސް ފަރާތަކަށް އިޙްމާލު ނުވާ ކަމަށް އެޗްޕީއޭއިން ބުނެއެވެ.
ކޮވިޑް ޖެހިގެން އެންމެ ގިނަ ބަޔަކު އެޑްމިޓް ކުރެވިފައިވަނީ ހުޅުމާލޭ ކޮވިޑް ފެސިލިޓީގައެވެ. އެތަނުގައި ތިބި މީހުންގެ ހާލަތު ވަރަށް ދަށް ކަމަށާއި އެތަނުން އިވެނީ ރުއިމުގެ އަޑު ކަމަށް މީހުން ބުނަމުން ގެންދެއެވެ.
ރާއްޖޭގައި މިއަދު އެކަނި ވެސް ކޮވިޑް ޖެހިގެން 6 މީހުން މިހާތަނަށް ވަނީ މަރުވެފައެވެ.