ކޮވިޑްގެ މި ހާލަތުގައި ރައްޔިތުން އެންމެ ބޮޑަށް އެދޭނީ ރައީސް އެމީހުންނާއި ވާހަކަ ދެއްކުން ކަމަށް ކެންދޫ ދާއިރާގެ މަޖިލިސް މެންބަރު އަލީ ޙުސައިން ވިދާޅުވެއްޖެއެވެ.
އަލީ ހުސައިން ކުރެއްވި ޓްވީޓްގައި އިތުރަށް ވިދާޅުވީ ކޮންމެ ދުވަހަކު ވެސް ރައީސުލްޖުމްހޫރިއްޔާ ރައްޔިތުންގެ ހައްގުގައި މަސައްކަތް ކުރާތަން ފެނުމަކީ ވެސް ރައްޔިތުން އެދޭނެ ކަމެއް ކަމަށެވެ.
ކޮވިޑާއި ގުޅިގެން ގައުމުގެ ޙާލަތު އެއްދުވަހުން އަނެއްދުވަހަށް ގޯސްވަމުންދާއިރު ރައްޔިތުން އެންމެ ބޮޑަށް އެދޭނެ އެއްކަމަކީ ރައީސުލް ޖުމްހޫރިއްޔާ އެ މީހުންނާ ވާހަކަ ދެއްކުން. ކޮންމެ ދުަވަހަކުވެސް ރޖ ރައްޔިތުންގެ ޙައްޤުގައި މަސައްކަތް ކުރާތަން ފެނުން.
— Ali Hussain (@AleeVoice) May 23, 2021
"ކޮވިޑާއި ގުޅިގެން ގައުމުގެ ޙާލަތު އެއްދުވަހުން އަނެއްދުވަހަށް ގޯސްވަމުންދާއިރު ރައްޔިތުން އެންމެ ބޮޑަށް އެދޭނެ އެއްކަމަކީ ރައީސުލް ޖުމްހޫރިއްޔާ އެ މީހުންނާ ވާހަކަ ދެއްކުން. ކޮންމެ ދުަވަހަކުވެސް ރޖ ރައްޔިތުންގެ ޙައްޤުގައި މަސައްކަތް ކުރާތަން ފެނުން" އަލީ ހުސައިން ވިދާޅުވިއެވެ.
ކޮވިޑް-19 އަށް ރާއްޖެއިން އާދީއްތަ ދުވަހު ވަނީ 1559 މީހުން ޕޮޒިޓިވް ވެފައެވެ. އެޗްޕީއޭ އިން ބުނީ މިއަދު ޕޮޒިޓިވްވި މީހުންގެ ތެރެއިން 1135 މީހުން ނިސްބަތްވަނީ މާލެ ސަރަހައްދަށް ކަމަށެވެ. އަދި އަތޮޅުތެރެއިން 401 ކޭސް ފެނިފައިވާއިރު ރިސޯޓުތަކުން 20 ކޭސް ފެނިފައިވާ ކަމަށްވެސް އެޗްޕީއޭ އިން ބުނެއެވެ.
މިއަދު ޕޮޒިޓިވްވި މީހުންނާއެކު ރާއްޖެއިން މި ބައްޔަށް ޕޮޒިޓިވްވި މީހުންގެ އަދަދު ވަނީ 55،924 އަށް އަރާފައެވެ.
ކޮވިޑްގެ އެކްޓިވް ކޭސްތަކުގެ ގޮތުގައި މިހާރު އުޅެނީ 23،464 ކޭސް އެވެ. މި ބަލިން 32،322 މީހުން ރަނގަޅުވެފައިވާއިރު ހޮސްޕިޓަލުގައި ފަރުވާ ދެމުންދަނީ 290 މީހަކަށެވެ. މި ބަލީގައި 129 މީހަކު ވަނީ ނިޔާވެފައެވެ.