ރައީސް މުހައްމަދު ނަޝީދަށް އަނިޔާ ލިބި ޤައުމު ފާލުން ނެއްޓިގެން ދިޔައީ ރައީސް ސޯލިހްގެ އަނިޔާވެރިކަމާއި، ބަހީލުކަމާއި އެ މަނިކުފާނުގެ ނުކުޅެދުންތެރިކަމުން ކަމަށް ތިމަރަފުށީ ދާއިރާގެ ކުރީގެ މެންބަރު މުހައްމަދު މުސްތަފާ ވިދާޅުވެއްޖެއެވެ.
މުސްތަފާ މިފަދައިން ވިދާޅުވެފައިވަނީ އާދީއްތަ ދުވަހު އޭނާ ކުރެއްވި ޓްވީޓެއްގައެވެ.
RNasheed ah laa insaanee aniyaa thakeh libi gaumu faalun nehtigen dhiyaee”Raees Solih”ge Aniyaaveri kamaai baheelu kamaa eynage nukulhedhuntheri kamuge sababun. Adhi Raajjeyge Veri Kan libuneema thimaa amihla ah hoadhi ehcheh kamah dheki gathumun.
— Mohamed Musthafa (@Thimarafushi) May 23, 2021
"ރައީސް ނަޝީދު އަށް ލާއިންސާނީ އަނިޔާތަކެއް ލިބި ގައުމު ފާލުން ނެއްޓިގެން ދިޔައީ "ރައީސް ސޯލިހް"ގެ އަނިޔާވެރިކަމާއި ބަހީލުކަމާއި، އޭނާގެ ނުކުޅެދުންތެރި ކަމުގެ ސަބަބުން. އަދި ރާއްޖޭގެ ވެރިކަން ލިބުނީމަ ތިމާ އަމިއްލައަށް ހޯދި އެއްޗެއް ކަމަށް ދެކިގަތުމުން." މުސްތަފާ ވިދާޅުވިއެވެ.
މި މަހުގެ ހަވަނަ ދުވަހުގެރޭ ދިން ބޮމުގެ ހަމަލާއާ ގުޅިގެން ލިބިވަޑައިގެންނެވި އަނިޔާތަކަށް ފަރުވާ ހޯއްދަވަމުން ގެންދެވި ޖަރުމަނުގެ މިލިޓަރީ ހޮސްޕިޓަލުން، ރައްޔިތުންގެ މަޖިލީހުގެ ރައީސް މުހައްމަދު ނަޝީދު މިހާރު ވަނީ ދޫކޮށްލާފައެވެ.
އެ ހަމަލާއާ ގުޅިގެން ބޮޑެތި ޒަހަމްތަކެއް ނަޝީދު ލިބިވަޑައިގެންނެވިއިރު އެ ޒަހަމްތަކަށް އޭޑީކޭ ހޮސްޕިޓަލްގައި ފަރުވާ ހޯއްދެވުމަށްފަހު ޖަރުމަނުވިލާތަށް ވަޑައިގެންނެވީ އިތުރު ފަރުވާ ހޯއްދެވުމަށެވެ. ނަޝީދު ހޮސްޕިޓަލުން ދޫކޮށްލި ނަމަވެސް އަނބުރާ ރާއްޖެ ވަޑައިގަންނަވާނެ ވަކި ދުވަހެއް އަދި ހާމަކޮށްފައެވެ ނުވެއެވެ.
ނަޝީދަށް ހަމަލާދީފައިވަނީ އިވެންޓެއްގައި ބައިވެރިވެ ވަޑައިގަތުމަށް އެމަނިކުފާނު ކާރުކޮޅަށް އަރާވަޑައިގަންނަވަން އުޅުއްވަނިކޮށް ކާރުކޮޅު ކައިރީގައި ޕާކުކޮށްފައި ހުރި ސައިކަލެއްގައި ބާރުގަދަ އެއްޗެއް ގޮއްވާލައިގެންނެވެ.