ކޮވިޑް އެކަކު ގައިން އަނެކަކުގެ ގަޔަށް ޖަމްޕު ޖެހިޔަ ނުދެމާ: މައުސޫމް

ޚިދުމަތްތެރިންގެ ޤުރުބާނީގެ އަގުވަޒަންކުރުމަށް އިންތަކާމިންތަކަށް ސަމާލުވުމަށާއި އެކަކުގައިން އަނެކަކު ގަޔަށް ކޮވިޑު ޖަމްޕުޖެހުމުގެ ފުރުސަތު ކުޑަކުރުމަށް
ޓޫރިޒަމް މިނިސްޓަރު ޑރ. އަބްދުﷲ މައުސޫމް އެދިވަޑައިގެންފިއެވެ.

މައުސޫމް މި ކަމާއި ގުޅިގެން ކުރެއްވި ޓްވީޓްގައި ވަނީ ފާއިތުވި ބުދަ ދުވަހުން ފެށިގެން މީހުން ޕޮޒިޓިވް ވެފައިވާ އިންސައްތައަށް އަލިއަޅުވާލާފައެވެ. އެގޮތުން ޕޮޒިޓިވު ރޭޓް %5 އަށްވުރެ ދަށްކުރުމަށް ހިއްވަރު ކުރެއްވުމަށް ވެސް އެ ބޭފުޅާ އެދިވަޑައިގަތެވެ.

" ބުދަ %31، ބުރާސްފަތި %30، ހުކުރު %25، ހޮނިހިރު %31، މިއަދު %26 ޚިދުމަތްތެރިންގެ ޤުރުބާނީގެ އަގުވަޒަންކުރުމަށް އިންތަކާމިންތަކަށް ސަމާލުވަމާ! އެކަކުގައިން އަނެކަކު ގަޔަށް ކޮވިޑު ޖަމްޕުޖެހުމުގެ ފުރުސަތު ކުޑަކުރަމާ! ޕޮޒިޓިވު ރޭޓް %5 އަށްވުރެ ދަށްކުރުމަށް ހިއްވަރުކުރަމާ!" މިނިސްޓަރު މައުސޫމް ވިދާޅުވިއެވެ.

ކޮވިޑް-19އަށް ރާއްޖެއިން އާދީއްތަ ދުވަހު ވެސް 1559 މީހުން ޕޮޒިޓިވް ވަނީ ޕޮޒިޓިވް ވެފައެވެ. މި އަދަދާއެކު ރާއްޖެއިން މި ބައްޔަށް ޕޮޒިޓިވްވި މީހުންގެ އަދަދު ވަނީ 55،924 އަށް އަރާފައެވެ.

ކޮވިޑްގެ އެކްޓިވް ކޭސްތަކުގެ ގޮތުގައި މިހާރު އުޅެނީ 23،464 ކޭސް އެވެ. މި ބަލިން 32،322 މީހުން ރަނގަޅުވެފައިވާއިރު ހޮސްޕިޓަލުގައި ފަރުވާ ދެމުންދަނީ 290 މީހަކަށެވެ. މި ބަލީގައި 131 މީހަކު ވަނީ ނިޔާވެފައެވެ.