ބޮލީވުޑްގެ ސްޕަސްޓަ ޝާހްރުކް ހާންގެ ގޭގައި ރޭ އަލިފާނުގެ ހާދިސާއެއް ހިނގައިފި އެވެ.
މުމްބާއީގެ ބަންދުރާ ސަރަހައްދުގައި ހުންނަ ޝާހްގެ ގެ "މަންނަތު" ގައި އަލިފާނުގެ ހާދިސާއެއްް ހިނގީ އެ ގޭގެ ފާހާނާއެއްގެ އެގްޒޯސްޓް ފަންކާއެއް ސާކެޓްގައި ޝޯޓްވެގެން ކަމަށް މީޑިއާ ރިޕޯޓްތައް ބުނެ އެވެ.
މިކަން އެނގުމާ އެކު ގޭގެ ސެކިއުރިޓީން ވަނީ މުމްބާއީގެ ފަޔާމަނުންނަށް އެކަން ރިޕޯޓްކޮށްފަ އެވ. އަދި ކުޑަ ވަގުތުކޮޅެއްގެ ތެރޭގައި ފަޔާމަނުން ގޮސް، އަލިފާން ނިއްވާލައިފައިވެ އެވެ.
ޝާހީ ގަނޑުވަރެއް ކަހަލަ އަގު ބޮޑު ޝާހުގެ ގޭގައި ހިނގި މި ހާދިސާގައި އެއްވެސް މީހަކަށް އަދި އެ ގޭގައި ދިރިއުޅޭ އެއްވެސް މީހަކަށް ގެއްލުމެއް ލިބިފައި ނުވާ ކަމަށް ރިޕޯޓްތައް ބުނެ އެވެ.