ކޮވިޑް-19 ގައި ރާއްޖެއިން އިތުރު މީހަކު މަރުވެއްޖެއެވެ.
ހެލްތް ޕްރޮޓެކްޝަން އެޖެންސީ (އެޗްޕީއޭ)އިން ބުނެފައިވަނީ އައިޖީއެމްއެޗް އީއާރްއަށް ގެނައި މީހަކު ހެނދުނު 07:55 ހާއިރު މަރުވެފައިވާކަމަށެވެ.
މަރުވެފައިވަނީ އުމުރުން 79 އަހަރުގެ ދިވެހި ފިރިހެނެކެވެ. މިއާއެކު ރާއްޖެއިން ކޮވިޑް-19 ގައި މަރުވި މީހުންގެ ޖުމުލަ އަދަދު ވަނީ 150 އަށް އަރާފައެވެ.
ކޮވިޑްގައި މިމަހު މިހާތަނަށް އެކަނިވެސް ރާއްޖެއިން ވަނީ 70 އަށްވުރެއް ގިނަ މީހުން މަރުވެފައެވެ.
މާލެ ސަރަހައްދުން ކޮވިޑް-19 އަށް ޕޮޒިޓިވްވާ މީހުންގެ އަދަދު އިތުރުވެ ހޮސްޕިޓަލުގައި ފަރުވާދޭ މީހުންގެ އަދަދު ވަނީ ވަރަށް ބޮށް އިތުރުވެފައެވެ.