އިންޓަނެޓް އަގުހެޔޮކޮށް އިޢުލާން ކުރެވުނު 3 ޕެކޭޖުގައި މިނިސްޓަރ ޝައުނާގެ އެއްވެސް ދައުރެއް ނޯންނާނެ ކަމަށް ކުރީގެ ކޮމިއުނިކޭޝަން މިނިސްޓަރު މުހައްމަދު މަލީހް ޖަމާލް ވިދާޅުވެއްޖެއެވެ.
މަލީހް ކުރެއްވި ޓްވީޓްގައި މިކަމަށް އިޝާރާތް ކުރައްވާ ވިދާޅުވެފައިވަނީ މަޤާމާއި އެކު އަދި އެކަމަނާޔަށް އިންޓަރނެޓް ސާވިސް ޕްރޮވައިޑަރުންނާއި ދިމާވެސްނުވާ ކަމަށެވެ.
މިއަދު އިޢުލާންކުރެވުނު 3 ޕެކޭޖުގައި މިނިސްޓަރ ޝައުނާގެ އެއްވެސް ދައުރެއް ނޯންނާނެ. މަޤާމާއި އެކު އަދި އެކަމަނާޔަށް އިންޓަރނެޓް ސާވިސް ޕްރޮވައިޑަރުންނާއި ދިމާވެސްނުވޭ. އަގާއި ގުޅޭގޮތުން އެއްވެސް ކަމެއް ނުކުރައްވާ. އަގުހެޔޮކުރުމުގެ ވިސްނުން ސަރުކާރުތެރެއިން ގެންގުޅުއްވީ ފަޔާ.
— Mohamed Maleeh Jamal (@maleehjamal) May 27, 2021
"މިއަދު އިޢުލާންކުރެވުނު 3 ޕެކޭޖުގައި މިނިސްޓަރ ޝައުނާގެ އެއްވެސް ދައުރެއް ނޯންނާނެ. މަޤާމާއި އެކު އަދި އެކަމަނާޔަށް އިންޓަރނެޓް ސާވިސް ޕްރޮވައިޑަރުންނާއި ދިމާވެސްނުވޭ. އަގާއި ގުޅޭގޮތުން އެއްވެސް ކަމެއް ނުކުރައްވާ. އަގުހެޔޮކުރުމުގެ ވިސްނުން ސަރުކާރުތެރެއިން ގެންގުޅުއްވީ ފަޔާ." މަލީހް ވިދާޅުވިއެވެ.
ފޮނުވިތާ 2 އަހަރު ފަހުން އަގު އިއުލާން ކުރީ އަމާބުނީތީ ފަރަށް ދާ އުސޫލުން ކަމަށް ވެސް މީގެ ކުރިން ކުރެއްވި ޓްވީޓެއްގައި މަލީހް ވަނީ ވިދާޅުވެފައެވެ. ކޮންމެ އޮޕަރޭޓަރެއް އޮފާރކޮށްފައި ހުރި ޕްލޭން ތަކާއި ޕެކޭޖްތަކުގެ އަދަދުތައް މިނިސްޓަރު ޝައުނާ ދަސްކުރައްވަން ޖެހޭކަމަށް މަލީހްގެ ޓްވީޓްގައިވެއެވެ. އަދި ކުންފުނިތަކުން އޮފަރ ކުރީ އެންމެ ތިން ޕެކޭޖް ނޫން ކަމަށްވެސް މަލީހް ވިދާޅުވިއެވެ.
ރެސިޑެންޝަލް އިންޓަރނެޓުގެ ޚިދުމަތުގެ އަގުތަކަށާއި ސްޕީޑަށް ސަރުކާރުން ކުންފުނިތަކާގުޅިގެން ގެނައިބަދަލުތަކަކީ، 5 އެމްބީޕީއެސްގެ ސްޕީޑުގައި 250ރ އަށް 30 ޖީބީ (ތްރޮޓުލް ސްޕީޑްގައި 2 އެމްބީޕީއެސް)، 15 އެމްބީޕީއެސްގެ ސްޕީޑުގައި 500ރ އަށް 100 ޖީބީ (ތްރޮޓުލް ސްޕީޑްގައި 5 އެމްބީޕީއެސް)، 25 އެމްބީޕީއެސްގެ ސްޕީޑުގައި 700ރ އަށް 200 ޖީބީ (ތްރޮޓުލް ސްޕީޑްގައި 5 އެމްބީޕީއެސް) އެވެ.
މި ބަދަލުތަކުގެ ސަބަބުން ރެސިޑެންޝަލް އިންޓަރނެޓް ޚިދުމަތްތައް ބޭނުންކުރާ 60 އިންސައްތައާއި 75 އިންސައްތައާ ދެމެދުގެ މީހުންނަށް ސީދާކޮށް މަހުފީ އަގުހެޔޮ ވެގެންދާނެކަމަށެވެ.