އައްޑޫ ސިޓީއިން މިއަދު 16 މީހުން ކޮވިޑް-19 އަށް ޕޮޒިޓިވް ވެއްޖެއެވެ.
އައްޑޫ އިމަޖެންސީ އޮޕަރޭޝަން ސެންޓަރުން ނެރެފައިވާ ހިސާބުތަކުން ދައްކާ ގޮތުން 27 މެއި 2021ގެ 18:00ގެ ނިޔަލަށް އައްޑޫއިން ވަނީ 16 މީހަކު ކޮވިޑަށް ޕޮޒިޓިވް ވެފައެވެ. އޭގެ ތެރޭގައި ހިމެނެނީ ހިތަދޫއިން ޕޮޒިޓިވްވި 14 މީހުންނާއި ހުޅުދޫ މީހަކާއި އަދި މީދޫ މީހެކެވެ.
ހިތަދޫއިން ޕޮޒިޓިވް ވެފައިވާ 14 މީހުންގެ ތެރޭގައި ހިމެނެނީ ފްލޫ ކްލިނިކަށް ދެއްކި މީހަކާއި ދެން ޑައިރެކްޓް ކޮންޓެކްޓުންގެ ތެރެއިން ނެގުނު ސާމްޕަލްތަކުން ޕޮޒިޓިވް ވެފައިވާ 13 މީހުންނެވެ.
ހުޅުދޫއިން ޕޮޒިޓިވް ވެފައިވަނީ ވެސް ޑައިރެކްޓް ކޮންޓެކްޓުން ނެގި ސާމްޕަލްއަކުން ޕޮޒިޓިވްވި މީހެކެވެ. އަދި މީދޫއިން ޕޮޒިޓިވް ވެފައިވަނީ ރޭންޑަމް ސާމްޕަލްއަކުން ޕޮޒިޓިވްވި މީހެކެވެ.