އަޅުގަނޑު އެދެނީ އިންޑިއާގެ ކޮންސިއުލޭޓު ފޭދޫގައި ހުޅުވުމަށް: ނިހާދު

ފޭދޫއަކީ އެއާޕޯޓާއި އިންވެގެން އޮތް އަވަށް ކަމަށް ވުމާއެކު އިންޑިއާގެ ކޮންސުލޭޓް އޮފީސް ފޭދޫގައި ހުޅުވައި ދިނުމަކީ އެދޭ ކަމެއް ކަމުގައި ފޭދޫ ދާއިރާގެ މެމްބަރު މުހައްމަދު ނިހާދު ވިދާޅުވެއްޖެއެވެ.

މެމްބަރު ނިހާދު މި ކަމާއި ގުޅިގެން ކުރެއްވި ޓްވީޓްގައި ވަނީ އިންޑިއާ އަކީ ޒަމާންވީ އެކުވެރިއެއް ކަމަށާއި އެހީތެރިކަމަށް އެދޭ ކޮންމެ ހާލަތެއްގައި އެންމެ ގާތުން އެހީވާ އަވަށްޓެރިޔާ ކަމަށް ވިދާޅުވެފައެވެ. އަދި އިންޑިއާ ގެ ކޮންސުލޭޓް އޮފީހެއް އައްޑޫ ސިޓީގައި ހުޅުވިގެން ދިއުން ވާނީ ދެކުނުގެ ހުރިހައި ރައްޔިތުންނަށް ލިބިގެން ދާނޭ ވަރަށްބޮޑު ފަސޭހަ އަކަށް ކަމަށް ވެސް ނިހާދު ވިދާޅުވެފައިވެއެވެ.

"އިންޑިއާ އަކީ ޒަމާންވީ އެކުވެރިއެއް! އެހީތެރިކަމަށް އެދޭ ކޮންމެ ހާލަތެއްގައި އެންމެ ގާތުން އެހީވާ އަވަށްޓެރިޔާ! އިންޑިއާ ގެ ކޮންސުލޭޓް އޮފީހެއް އައްޑޫ ސިޓީގައި ހުޅުވިގެން ދިއުން ވާނީ ދެކުނުގެ ހުރިހައި ރައްޔިތުންނަށް ލިބިގެން ދާނޭ ވަރަށްބޮޑު ފަސޭހަ އަކަށް" ނިހާދު ވިދާޅުވިއެވެ.

"އަޅުގަނޑު އެދެނީ އެ އޮފީސް ފޭދޫ ގައި ހުޅުވައި ދިނުމަށް! ފޭދޫ އަކީ އެއަރޕޯރޓް އާއި އިންވެގެން އޮތް އަވަށް ކަމުން އެ އަވަށަކީ މިކަމަށް އެންމެ ރަނގަޅު އަވަށް! @HCIMaldives، @sunjaysudhir، @abdulla_shahid" ނިހާދު ވިދާޅުވިއެވެ.

އައްޑޫގައި އިންޑިއާގެ ކޮންސުލޭޓް އޮފީހެއް ހުޅުވަން އުޅޭކަމުގެ ވާހަކައާއެކު ގިނަ ބަޔަކު ދަނީ އެކަމާއި ބަހުސް ކުރަންފަށާފައެވެ. ސޯޝަލް މީޑިއާގައި ފުޅާދާއިރާއެއްގައި ކުރެވެމުންދާ މި ބަހުސްގައި ބައެއް ފަރާތްތަކުން ދަނީ މިއީ އައްޑޫ ރައްޔިތުންނަށް ހުރި ބިރެއްގެ ގޮތުގައި ފާހަގަ ކުރަމުންނެވެ. އަދި ބައެއް ފަރާތްތަކުން ދަނީ މިއީ ދެކުނު ރަށްތަކަށް ލިބިގެންދާނެ ބޮޑު ކުރިއެރުމެއްގެ ގޮތުގައި ބުނެ ވާހަކަ ދައްކަމުންނެވެ.