ބޭންކް އޮފް މޯލްޑިވްސް (ބީއެމްއެލް) ހުޅުމީދޫ ބްރާންޗްގެ މަރާމާތު ކުރަން ޢިއުލާނުކޮށްފި އެވެ.
ބީއެމްއެލް އިން ނެރެފައިވާ ޢިއުލާނެއްގައިވާ ގޮތުން ހުޅުމީދޫ ބްރާންޗްގައި ކުރުމަށް ހަމަޖައްސާފައިވާ މަރާމާތުތަކަކީ ކުލަޔާއި ދަވާދު ލުމާއި، ޢިމާރާތް ބެލެހެއްޓުމަށް ކުރަން ހަމަޖެހިފައިވާ ބައެއް މަރާމާތުތަކެވެ.
ޢިއުލާނުގައިވާ ގޮތުން މި މަސައްކަތްކޮށް ދެއްވުމަށް ޝަޢުކުވެރިވާ ކުންފުނި ނުވަތަ ފަރާތްތަކަށް ބާއްވާ ޕްރީބިޑް މީޓިން މި މަހުގެ 25 ވާ ހޯމަ ދުވަހުގެ ހެނދުނު 10:30 ގައި ހުޅުމީދޫ ބްރާންޗްގައި އޮންނާނެ އެވެ.
އަދި ބިޑް ޑޮކިއުމެންޓްސް ހުށަހެޅުމަށް ހަމަޖައްސާފައި ވަނީ މި މަހުގެ 28 ވާ ބުރާސްފަތި ދުވަހުގެ 10:30 އަށެވެ.
މި މަސައްކަތައް ޝަޢުޤުވެރިވެ ވަޑައިގަންނަވާ ފަރާތްތަކަށް ބޭނުންވާ ބިޑް ޑޮކިއުމެންޓް ބީއެމްއެލްގެ ވެބްސައިޓުން މިހާރު ޑައުންލޯޑް ކުރެވޭނެ އެވެ.