2023 ގަ ވެރިކަމަށް ﷲގެ އިރާދަފުޅުން ރައްޔިތުންގެ ލޯތްބާއިއެކު ޔާމީން އިންތިޚާބު ކުރާނެ ކަމަށް ގުރައިދޫ ދާއިރާގެ މެމްބަރު ޣައްސާން މައުމޫން ވިދާޅުވެއްޖެއެވެ.
ޣައްސާން މިހެން ވިދާޅުވީ ވަޒީރުންނަށް ފުލެޓު ދޭން އެދިގެންވެސް ރައީސް ޔާމީން އެކަން ނުކުރެއްވި ކަމަށް ޑރ. ޝައިނީ ވިދާޅުވެފައިވާ ކަމަށް އޮންލައިން ނޫސް ދިޔަރެސްގައި ޝާޢިއު ކޮށްފައިވާ ޚަބަރެއް ޓްވީޓާގައި ހިއްސާ ކުރައްވަމުންނެވެ.
Raees Yameen khidhumaih kurevvee dhivehi rayyithunnah. Hingevi kaamiyaab mashroo’u thakuge faidha kuranee mi qawmah. Raees Yameen isthashifulhuga alhuvanee hus dhogu ilzaam kan miyoh faalhu vanee. In Sha Allah 2023 ga verikamah rayyithunge loibba eku RY inthikhaab kuraanan. https://t.co/4kzJXlo5IU
— Mohamed Ghassan Maumoon (@mgmaumoon) May 31, 2021
"ރައީސް ޔާމީން ޚިދުމަތް ކުރެއްވީ ދިވެހި ރައްޔިތުންނަށް. ހިންގެވީ ކާމިޔާބު މަޝްރޫއު ތަކުގެ ފައިދާ ކުރަނީ މި ޤައުމަށް. ރައީސް ޔާމީން އިސްތަށިފުޅުގައި އަޅުވަނީ ހުސް ދޮގު އިލްޒާމްކަން މިއޮތް ފާޅުވަނީ. އިންޝާﷲ 2023 ގަ ވެރިކަމަށް ރައްޔިތުންގެ ލޯތްބާއެކު ރައީސް ޔާމީން އިންތިޚާބު ކުރާނަން." ޣައްސާން ވިދާޅުވިއެވެ.
ޣައްސާން ވެފައިވަނީ މައުމޫން ޢަބްދުލްޤައްޔޫމްގެ ދަރިންގެ ތެރެއިން ބައްޕާފުޅާއި ދެކޮޅަށް އެންމެ ގަދަޔަށް ޔާމީން މަސައްކަތް ކުރެއްވި އިރުވެސް އެ މަނިކުފާނާއެކު މަސައްކަތް ކުރެއްވި ދަރިއެއްގެ ގޮތުގައެވެ.
ޣައްސާން ޔާމީނާއެކު މަސައްކަތްކޮށް އެ މަނިކުފާނަށް ސަޕޯޓް ކުރުމުގެ ސަބަބުން ގިނަ ބައެއްގެ ފާޑުކިއުންތައް އޭނާއަށް ވަނީ އަމާޒު ވެފައެވެ.