އިތުރު އެއްވެސް ބަހަނާއެއް ނުދައްކަވާ އަދާލަތު ޕާޓީއާއި ޝޭހު އިމްރާން މިސަރުކާރާއި ދުރުވާންވި ވަގުތު މިއޮތީ އައިސްފައި ކަމަށް ކުރީގެ ކޮމިއުނިކޭޝަން މިނިސްޓަރު މުހައްމަދު މަލީހް ޖަމާލް ވިދާޅުވެއްޖެއެވެ.
މަލީހް މިކަމަށް އިޝާރާތް ކުރައްވާ ކުރެއްވި ޓްވީޓްގައި ވަނީ އެކަން ލަސްނުކުރެއްވުމަށް އެދިވަޑައިގެންފައެވެ.
އިތުރު އެއްވެސް ބަހަނާއެއް ނުދައްކަވާ އަދާލަތު ޕާޓީއާއި ޝޭހު އިމްރާން މިސަރުކާރާއި ދުރުވާންވި ވަގުތު މިއޮތީ އައިސްފަ. ލަސްނުކުރައްވާ. ޖެންޑަރ މިނިސްޓްރީވެސް ނުދިނެއްނޫންތޯ. ޝިދާތާޔަށްވެސް ހެދީ ކިހާ އިހާނެތިކޮށް ތޯ? އެޖެންޑާ 19ގެ އަސްލު ސޫރަ ތިލަވަމުން މިދަނީ. އެމްޑީޕީ ބަލިވާނެ.
— Mohamed Maleeh Jamal (@maleehjamal) June 1, 2021
"އިތުރު އެއްވެސް ބަހަނާއެއް ނުދައްކަވާ އަދާލަތު ޕާޓީއާއި ޝޭހު އިމްރާން މިސަރުކާރާއި ދުރުވާންވި ވަގުތު މިއޮތީ އައިސްފަ. ލަސްނުކުރައްވާ. ޖެންޑަރ މިނިސްޓްރީވެސް ނުދިނެއްނޫންތޯ. ޝިދާތާޔަށްވެސް ހެދީ ކިހާ އިހާނެތިކޮށް ތޯ? އެޖެންޑާ 19ގެ އަސްލު ސޫރަ ތިލަވަމުން މިދަނީ. އެމްޑީޕީ ބަލިވާނެ." މަލީހް ވިދާޅުވިއެވެ.
އެމްޑީޕީގެ ފެކްޝަން ވަނީ މަގުއޮޅިފައި ކަމަށާއި އެ ފެކްޝަން އިސްލާހުކޮށްދޭން ތައްޔާރަށް ހުންނެވި ކަމަށް ވެސް މީގެ ކުރިން މަލީހް ވަނީ ވިދާޅުވެފައެވެ. ފަހަކަށް އައިސް މަލީހް ވަނީ ސަރުކާރަށް ވަރަށް ބޮޑަށް ފާޑުވިދާޅުވާން ފަށާފައެވެ.