އެ ގަވާއިދުހެދީ ކީރިތި ޤުރުއާނާއި ނަބިއްޔާ ﷺއަށް ހަޖޫޖެހި އެމްޑީއެން އާއި އުތެމަ ޖަމާޢަތުގެ މީހުން ޙިމާޔަތްކުރަން ކަމަށް ކުރީގެ ހޯމް މިނިސްޓްރީގެ ސްޓޭޓް މިނިސްޓަރުކަން ކުރައްވާފައިވާ ޝިފާގް މުފީދު(ހިސްޓޯ) ވިދާޅުވެެއްޖެއެވެ.
ހިސްޓޯ މިކަމަށް އިޝާރާތް ކުރައްވާ ކުރެއްވި ޓްވީޓްގައި ވަނީ ލާދީނީ ބިލުގެ ބޭނުމަކީ އެޖަމާޢަތުގެ މީހުނަށް ހިތުހުރި އެއްޗެއް ބުނުމުގެ މިނިވަންކަން ލިބިދިނުން ކަމަށް ވިދާޅުވެފައެވެ.
ލާދީނީ ބިލަކީ ރައްވެހިކަން ދޫކޮށްލުމުގެ ގަވާއިދަށް ކޮށި މަގެއް. އެ ގަވާއިދުހެދީ ކީރިތި ޤުރުއާނާއި ނަބިއްޔާ ﷺއަށް ހަޖޫޖެހި އެމްޑީއެން އާއި އުތެމަ ޖަމާޢަތުގެ މީހުން ޙިމާޔަތްކުރަން. ލާދީނީ ބިލުގެ ބޭނުމަކީ އެޖަމާޢަތުގެ މީހުނަށް ހިތުހުރި އެއްޗެއް ބުނުމުގެ މިނިވަންކަން ލިބިދިނުން.
— Histo (@ShifaqMufyd) June 1, 2021
"ލާދީނީ ބިލަކީ ރައްވެހިކަން ދޫކޮށްލުމުގެ ގަވާއިދަށް ކޮށި މަގެއް. އެ ގަވާއިދުހެދީ ކީރިތި ޤުރުއާނާއި ނަބިއްޔާ ﷺއަށް ހަޖޫޖެހި އެމްޑީއެން އާއި އުތެމަ ޖަމާޢަތުގެ މީހުން ޙިމާޔަތްކުރަން. ލާދީނީ ބިލުގެ ބޭނުމަކީ އެޖަމާޢަތުގެ މީހުނަށް ހިތުހުރި އެއްޗެއް ބުނުމުގެ މިނިވަންކަން ލިބިދިނުން." ހިސްޓޯ ވިދާޅުވިއެވެ.
މުސްލިމަކަށް ކާފަރެއްގެ ތުހުމަތު ކުރުން ކުށެއްގެ ގޮތުގައި ކަނޑައެޅުމަށް، ޤާނޫނުލްޢުޤޫބާތު އަށް އިސްލާހު ގެނައުމުގެ ބިލު ސަރުކާރުގެ ފަރާތުން މަޖިލީހަށް ވަނީ ހުށަހަޅާފައެވެ. މި ބިލް ހުށަހެޅި ތުޅާދޫ ދާއިރާގެ މެމްބަރު ހިސާން ހުސައިނަށް ގިނަ ބަޔަކު ސޯޝަލް މީޑިއާގައި ފާޑުކިޔަމުންނެވެ.
ހުށަހަޅާފައިވާ އިސްލާހުތަކުގެ ތެރޭގައި އާންމު ތަނެއްގައި ވަކި މީހަކީ އިސްލާމްދީނާ ހިލާފަށް އުޅޭ ނުވަތަަ އިސްލާމްދީނާ ދެކޮޅު މީހެއް ކަމަށް ތުހުމަތު ކުރުމާއި އިސްލާމީ އަގީދާއާ ގުޅުވައި މުޖުތަމައުގައި މީހަކާމެދު ނަފްރަތު އުފެއްދުން ކުށަކަށް ހެދުމަށް ވަނީ ހުށަހަޅާފައެވެ.
އަދި އާންމު ތަނެއްގައި މުސްލިމަކު ކާފަރެއްކަމަށް ސިފަކުރުން ނުވަތަ ސިފަކުރުމުގައި ބައިވެރިވުމާއި، އާންމު ތަނެއްގައި މުސްލިމަކު ކާފަރެއްކަމަށް ތުހުމަތުކުރުން ވެސް ކުށަކަށް ހަދަން ވަނީ އިސްލާހު ހުށަހަޅާފައެވެ.