ރައީސުލްޖުމްހޫރިއްޔާ އިބްރާހީމް މުހައްމަދު ސޯލިހް އަކީ އެ މަނިކުފާނުގެ ހަޔާތުގައި އެންމެ ތެދުފުޅެއް ވެސް ހެއްދެވި ބޭފުޅެއް ނޫން ކަމަށް ތިމަރަފުށީ ދާއިރާގެ ކުރީގެ މެންބަރު މުހައްމަދު މުސްތަފާ ވިދާޅުވެއްޖެއެވެ.
މުސްތަފާ ކުރެއްވި ޓްވީީޓްގައި އިތުރަށް ވިދާޅުވެފައިވަނީ ރައީސް ސޯލިހް އަކީ މުޅިން ދޮގު ހައްދަވާ އޮޅުވާ ލައްވާ ފަރާތެއް ކަމަށެވެ.
Ibu solih akee eyna ge hayaathu ga enme thedheh ves hedhi meeheh noon. Mulhin dhogu hedhu maai olhuvaalun.mi varu meehaka gaumuge veri Kan dheegen mi thibenee. pic.twitter.com/ynAv5xQNaF
— Mohamed Musthafa (@Thimarafushi) June 1, 2021
" އިބޫ ސޯލިހްއަކީ އޭނާގެ ހަޔާތުގައި އެންމެ ތެދެއް ވެސް ހެދި މީހެއް ނޫން. މުޅިން ދޮގު ހެދުމާއި އޮޅުވާލުން. މި ވަރު މީހަކަށް ގައުމުގެ ވެރިކަން ދީގެން މިތިބީ" މުސްތަފާ ވިދާޅުވިއެވެ.
ފަހަކަށް އައިސް ފެންމަތިވާ ކޮންމެ ކަމެއްގައި މުސްތަފާ ފާހަގަ ކުރެވެނީ ރައީސް ސޯލިހްއަށް ފާޑުކިޔުއްވާ ބޭފުޅެއްގެ ގޮތުގައެވެ. އެ ގޮތުން ރައީސް މުހައްމަދު ނަޝީދަށް އަނިޔާ ލިބި ޤައުމު ފާލުން ނެއްޓިގެން ދިޔައީ ރައީސް ސޯލިހްގެ އަނިޔާވެރިކަމާއި، ބަހީލުކަމާއި އެ މަނިކުފާނުގެ ނުކުޅެދުންތެރިކަމުން ކަމަށް ވެސް އޭނާ ވަނީ ވިދާޅުވެފައެވެ.
އަދި އަންގާރަ ދުވަހު ކުރެއްވި އިތުރު ޓްވީޓެއްގައި މުސްތަފާ ވަނީ ކޮވިޑްގެ ހަތަރުވަނަ ރާޅު ރާއްޖެއަށް އެރީ އިންޑިއާ މީހުންގެ ސަބަބުން ކަމަށް ވިދާޅުވެފައެވެ. އަދި އިޤްތިސާދޭ ކިޔާފަ ރައްޔިތުންނަށް ސަރުކާރުން އޮޅުވާލުމުގެ ސަބަބުން ކަމަށް ވެސް އެ ޓްވީޓްގައި ލިޔުއްވާފައިވެއެވެ.
Covid ge 4 vana raalhu Raajje ah a ree India meehun sababun. Iguthisoadhu ey kiyaagen Rahyithun sarkaarun olhuvaalumu ge bababun.
— Mohamed Musthafa (@Thimarafushi) June 1, 2021