މިޝްކާގެ މަރުގައި އިހުމާލު ވިފަރާތްތައް ހޯދުމަށް މިނިވަން ތަހްޤީގެެއް ހިންގޭނެތޯ އައްސަވާ ކުރީގެ ފޮރިން މިނިސްޓަރު ދުންޔާ މައުމޫން ސުވާލު ކުރައްވައިފިއެވެ.
ދުންޔާ ކުރެއްވި ޓްވީޓްގައި ވަނީ ވޭތުވެދިޔަ އެއް މަހުގެ އެތަކެއް ފުރާނައެއް ގޮސްފައިމިވަނީ ސަރުކާރުގެ ސިޔާސަތުތަކުގެ ސަބަބުންނެއް ނޫންތޯއޭ އައްސަވާ ވެސް ސުވާލު ކުރައްވާފައެވެ.
ކުޑަ ކުޑަ މިޝްކާގެ މަރުގައި އިހުމާލު ވިފަރާތްތައް ހޯދުމަށް މިނިވަން ތަހްޤީގެެއް ހިންގޭނެބާ؟ ވޭތަވެދިޔަ އެއް މަހުގެ އެތަކެއް ފުރާނައެއް ގޮސްފައިމިވަނީ ސަރުކާރުގެ ސިޔާސަތުތަކުގެ ސަބަބުންނެއް ނޫންތޯ؟ ކޮބާތޯ ދައުލަތުގެ ޒިންމާ؟
— Dunya Maumoon (@dunyamaumoon) June 2, 2021
"ކުޑަ ކުޑަ މިޝްކާގެ މަރުގައި އިހުމާލު ވިފަރާތްތައް ހޯދުމަށް މިނިވަން ތަހްޤީގެެއް ހިންގޭނެބާ؟ ވޭތަވެދިޔަ އެއް މަހުގެ އެތަކެއް ފުރާނައެއް ގޮސްފައިމިވަނީ ސަރުކާރުގެ ސިޔާސަތުތަކުގެ ސަބަބުންނެއް ނޫންތޯ؟ ކޮބާތޯ ދައުލަތުގެ ޒިންމާ؟" ދުންޔާ ވިދާޅުވިއެވެ.
ކޮވިޑަށް ފަރުވާ ދެމުން ދަނިކޮށް ރޭ ނިޔާވި އުމުރުން 10 އަހަރުގެ ކުއްޖާ ފަރުވާ ދިނުމަށް ހޮސްޕިޓަލަށް ގެންދިއުމަށް ބޮޑުތަނުން ލަސްވި މައްސަލައިގެ ސަބަބުން އާންމުންގެ ތެރޭގައި ވެސް ވަނީ ސަރުކާރަށް އަދި ހެލްތް މިނިސްޓްރީއަށް ވަރަށް ބޮޑަށް ނުރުހުން ފާޅުކޮށް ފާޑުކިޔުން އަމާޒު ކުރަން ފަށާފައެވެ. މިޝްކާ ނިޔާވެފައިވަނީ ކޮވިޑްގައި ނޫންކަމަށާއި ނަމަވެސް އެއީ ސަރުކާރުގެ އިހުމާލުން ކަމަށް އެތައް ބަޔަކު ދަނީ ބުނަމުންނެވެ.
ދެމަފިރިއެއްގެ ހުރި އެންމެ ދަރިފުޅު ނިޔާވެގެން ދިޔައީ އެމްބިއުލާންސްއަށް ގުޅައިގެން އޭގެ އިންތިޒާރުގައި ތިއްބައެވެ. ކޮވިޑް-19 ގައި ރާއްޖެއިން މިހާތަނަށް ނިޔާވި އެންމެ ކުޑަކުއްޖާގެ މައްސަލައިގައި، އެ ކުއްޖާގެ ހާލު ސިރިއަސްވިއިރު، އެމްބިއުލަންސްއަށް ގުޅައިގެން ގިނަ ވަގުތުތަކެއް ވިކަމަށް އާއިލާއިން ވަނީ ބުނެފައެވެ.