ރައީސް އަބްދުﷲ ޔާމީންގެ ސަރުކާރުގެ ހެލްތު އެންޑަ ޖެންޑަ މިނިސްޓަރު ޑރ. މަރިޔަމް ޝަކީލާ މިއަދު އައްޑު އަށް ވަޑައިގެންފި އެވެ.
ފުވައްމުލަކުން އެ ކަމަނާ އެންމެ ފުރަތަމަ ވަޑައިގެންފައި ވަނީ ހުޅުމީދުއަށެވެ. އަދި އެ ރަށަށް ވަޑައިގެން އެ ރަށުގެ ސިއްހީ މަރުކަޒަށް ވަޑައިގެން އެތަނުގެ ވެރިންނާ ބައްދަލު ކުރައްވައި އެތަނުގެ ހާލު އޮޅުން ފިލުވި އެވެ.
ޑރ. ޝަކީލާ މިއަދު މެންދުރު ފަހުގެ ވަގުތެއްގައި ފޭދޫ ސިއްހީ މަރުކަޒަށާއި ހިތަދޫ ރީޖަނަލް ހޮސްޕިޓަލަށް ވެސް ވަޑައިގަންނަވާ ގޮތަށް ވަނީ ހަމަޖެހިފަ އެވެ.
ހެލްތު މިނިސްޓަރުކަމާ ހަވާލުވެ ވެޑައިގަތުމަށް ފަހު، ރާއްޖޭގެ ހުރިހާ ސަހަރައްދެއްގެ ސިިއްހީ ދާއިރާގެ ކަންކަން ބައްލަވާލެއްވުމަށް ޑރ. ޝަކީލާ ވަނީ ހާއްސަ ދަތުރުތަކެއް ކުރިއަށް ގެންދަވާ ގޮތަށް ހަމަޖައްސަވައިފަ އެވެ.