އާއްމު ސިފައިންގެ މީހާ ކަންކުރި ފުރިހަމަގޮތް ގެއްލުވާލުމަށް ވަކިވަކި ސިފައިންނަށް ބަސް ނުބުނެވޭ ގޮތަށް ނިންމުމަކީ ވަރަށް ބޮޑު ބޭއިންސާފެއް ކަމަށް ރައްޔިތުންގެ މަޖިލީހުގެ ރައީސް މުހައްމަދު ނަޝީދު ވިދާޅުވެއްޖެއެވެ.
ރައީސް ނަޝީދު މިހެން ވިދާޅުވެފައިވަނީ ސިފައިންގެ މަސްއޫލިއްޔަތާއި ވާޖިބު އަދާކުރާގޮތާއި ގުޅޭގޮތުން ރައްޔިތުންގެ މަޖިލީހަށާއި މަޖިލީހުގެ ކޮމިޓީތަކަށް މައުލޫމާތު ދިނުމާއި ގުޅޭގޮތުން ނެރެފައިވާ ނޫސްބަޔާނަށް އިޝާރާތްކުރައްވާ ކުރެއްވި ޓްވީޓެއްގައެވެ.
Rank and file nuvatha aanmu soldier kankuri furihama goiy gelluvaalumah “Top Brass”, ge evves ninmumeh ninmaigen nuvaane. Alhugandu maraalumah bon govvaali vaguthu kaireega thibi molhu kudhinge bas nubunevey gothah kankan ninmumakee varah bodu beyinsaafeh https://t.co/SHyTMfM6eQ
— Mohamed Nasheed (@MohamedNasheed) June 4, 2021
"ރޭންކް އެންޑް ފައިލް ނުވަތަ އާންމު ސޯލްޖާ ކަންކުރި ފުރިހަމަ ގޮތް ގެއްލުވާލުމަށް "ޓޮޕް ބްރާސް"ގެ އެއްވެސް ނިންމުމެއް ނިންމައިގެން ނުވާނެ. އަޅުގަނޑު މަރާލުމަށް ބޮން ގޮއްވާލި ވަގުތު ކައިރީގައި ތިބި މޮޅު ކުދިންގެ ބަސް ނުބުނެވޭ ގޮތަށް ކަންކަން ނިންމުމަކީ ވަރަށް ބޮޑު ބޭއިންސާފެއް." ނަޝީދު ވިދާޅުވިއެވެ.
ސިފައިންގެ ފަރާތުން ވަނީ ސިފައިންގެ މަސްއޫލިއްޔަތާއި ވާޖިބު އަދާކުރާގޮތާއި ގުޅޭގޮތުން ރައްޔިތުންގެ މަޖިލީހަށާއި މަޖިލީހުގެ ކޮމިޓީތަކަށް މައުލޫމާތު ދިނުމާއި ގުޅޭގޮތުން ނޫސްބަޔާނެއް ނެރެފައެވެ. އެ ނޫސްބަޔާނުގައި ބުނެފައިވާ ގޮތުގައި ސިފައިންގެ މަސްއޫލިއްޔަތާއި ވާޖިބު އަދާކުރާގޮތް ބެލުމަށްޓަކައި ވަކިވަކި ސިފައިން ޖަވާބުދާރީ ކުރުވުމަކީ ސިފައިންގެ އަސްކަރީ ހައިރާކީއާއި ސިފައިންގެ "ޗެއިން އޮފް ކޮމާންޑް"އާއި "ކޮމާންޑް އެންޑް ކޮންޓްރޯލް" އަދި ސިފައިންގެ ތެރޭގައި ޒަމާނުއްސުރެ ގާއިމް ކުރެވިފައި އޮތް އުސޫލްތަކާއި ހިލާފް ކަމެއް ކަމަށް ބުނެފައެވެ.