އައްޑޫގައި 100،000 ރުއް އިންދުމުގެ ޕްރޮގްރާމެއް އައްޑޫ ސިޓީ ކައުންސިލުން ފަށައިފިއެވެ.
އައްޑޫ ކައުންސިލުން ބުނީ ދުނިޔޭގެ ތިމާވެށީގެ ދުވަސް ފާހަގަ ކުރުމުގެ ގޮތުން އައްޑޫ ނޭޗާ ޕާކާއި، ކައުންސިލް އަދި އީޕީއޭ ގުޅިގެން 100،000 ރުއް އިންދުމުގެ ޕްރޮގްރާމެއް ފަށާފައިވާ ކަމަށެވެ.
ރުއް އިންދުން ރަސްމީކޮށް ފައްޓަވާ ދެއްވީ އައްޑޫ ނޭޗާ ޕާކުގައި މިއަދު ހެނދުނު ބޭއްވި ރަސްމިއްޔާތެއްގައި މޭޔަރ އަލީ ނިޒާރުއެވެ. މޭޔަރ ނިޒާރު އާއި އެކު ކައުންސިލް މެމްބަރުންވެސް ވަނީ ރުއް އިންދަވާފައެވެ.
އައްޑޫ ކައުންސިލުން މީގެ ކުރިންވެސް ތިމާވެށީގެ ތަފާތު ހަރަކާތްތައް ވަނީ ބާއްވާފައެވެ.