ކުރިއަށް އޮތް ލޯކަލް ކައުންސިލް އިންތިހާބުގައި ސ. ފޭދޫ ދާއިރާ އަށް ފޭދޫ މާދެލަ ޝަރަފްޒާދު ސައީދު ޕީޕީއެމްގެ ޓިކެޓްގައި ވާދަ ކުރަން ނިންމައިފި އެވެ.
މިފަދަ އިންތިހާބެއްގައި އަލަށް ވާދަ ކުރާ ޝަރަފަކީ އެސްޓީއޯގައި މަސައްކަތް ކުރާ ޒުވާނެކެވެ.
ކުރީގެ ސަދަން ސެކަންޑްރީ ސްކޫލް އަދި މިހާރުގެ ޝަރަފުއްދީން ސްކޫލުން ތައުލީމް ހާސިލް ކުރި ޝަރަފަކީ އައްޑޫގައި ހިންގާ އެންމެ ބޮޑު އެއް ސްޕަމާޓް ކަމަށްވާ "3 އެސް" ގްރޫޕްެގެ ހިއްސާދާރެއް ވެސް މެ އެވެ.
އޭނާ ފޭދޫ ދާއިރާ އަށް ކުރިމަތިލާ އިރު، އެމްޑީޕީގެ ޓިކެޓްގައި އެ ދާއިރާ އަށް ކުރިމަތިލާން ފޭދޫ އަވަށު ބޯޑްގެ ނައިބް ރައީސްގެ މަގާމުގައި މިހާރު ހުންނެވި ހައްވާ ޒީނަތު ވެސް ވަނީ ނިންމައިފަ އެވެ.
ފޭދޫ ދާއިރާގެ ކައުންސިލަރަކަށް މިހާރު ހުންނެވި އަހުމަދު މިރުޒާދު (މިރާ) ކައުންސިލް އިންތިހާބުގައި ވާދަ ނުކުރައްވަން ނިންމަވާފައިވާ އިރު، އޭނާ ރައްޔިތުންގެ މަޖިލީހުގެ ފޭދޫ ދާއިރާ އަށް ކުރިމަތިލައްވާ ކަމަށް އެނގިފައިވެ އެވެ.