އައްޑޫގައި ބާއްވާ އެންމެ އަގުބޮޑު މުބާރާތް "ގްލޯބަލް ލިންކް ޗެލެންޖް 2" މާދަމާ ހަވިރު ފެށުމަށް ހަމަޖެހިފައިވާ އިރު މުބާރާތް އިންތިޒާމް ކުރާ ކޮމެޓީން ދަނީ އެންމެ ފަހުގެ ތައްޔާރީތައް ވަމުންނެވެ.
މުބާރާތް ކަވާ ކުރުމުގައި "އައްޑޫ ލައިވް" އަށް އެހީތެރިވަމުން އަންނަ މީދޫ އޮންލައިން ނޫސް "ވީއޯއެމް" އިން ބުނީ މުބާރާތް ބޭއްވުމަށްޓަކައި ކައުންސިލުން ހަދާ ޗޭންޖިން ރޫމް އާއި ސްޓޭޖް މާދަމާއަށް ނިންމާލެވޭނެ ކަމަށެވެ.
ހަ ލައްކަ ރުފިޔާ ހަރަދުކޮށްގެން މީދޫ ޝަޒުމް ކުންފުންޏާއި ހަވާލުކޮށްގެން ހަދާ ޗޭންޖިން ރޫމް ވަނީ މުބާރާތަށް ބޭނުން ކުރެވޭ ވަރަށް ތައްޔާރުކޮށްފަ އެވެ.
ރާއްޖޭގެ މަޝްހޫރު ބައެއް ކުޅުންތެރިން ފެނިގެންދާނެ މި މުބާރާތުގަިއ ބައިވެރިވެފައިވަނީ ޖުމްލަ 6 ޓީމެވެ.
މުބާރާތް ފެށުމުގެ ގޮތުން މާދަމާ ހަވީރު ކުޅޭ ފުރަތަމަ މެޗްގައި ބައްދަލު ކުރަނީ މީދޫ މުލިމަތި ޔުނައިޓެޑް އާއި ދިފޭދޫއެވެ.
މުބާރާތް ހިގަމުންދާ ވަގުތު ދަނޑު ސަރަހައްދަށް "ފްރީ ވައިފައި" ދިނުމަށް އަމިއްލަ ފަރާތަކުން އަންނަނީ މަސައްކަތް ކުރަމުންނެވެ. އެހެން ކަމުން މެޗްތަކުގެ ފޮޓޯ އާއި އެންމެ ފަހުގެ ހަބަރުތައް ވަގުތުން އެސަރަހައްދުން ޕޯސްޓް ކުރަމުންދާނެކަމަށް އެފަރާތުން ބުނެއެވެ.
މިމުބާރާތުގެ މެޗް ކަމިޝަނަރެއްގެ ގޮތުން ހަރަކާތްތެރިވަނީ ރާއްޖޭގެ މަޝްހޫރު ކޯޗު ސާންތިއެވެ.