ސ. ހިތަދޫން މީގެ ކުރިން ބަދަލު ދޭނެ ކަމަަށް ބުނެ ނެގުނު ގޯތިތަކުގެ ބަދަލުގައި ގޯތި ލިބުމަށް ހުށަހަޅާފައިވާ ފަރާތްތަކުގެ މެދުގައި ބާއްވާ ގުރުއަތުލުން އަންނަ މަހު ބާއްވާ ގޮތަށް އައްޑޫ ސިޓީ ކައުންސިލުން ހަމަޖަައްސައިފި އެވެ.
ކައުންސިލްގެ އިންފްރާސްޓްރަކްޗަ ޑިޕާޓްމަންޓުން ނެރުނު އިއުލާނެެއްގައި ބުނަނީ މި ގުރުއަތުލުން ބޭއްވުމަށް ހަމަޖެހިފައި ވަނީ ޑިސެމްބަރު 14 ވާ ހޮނިހިރު ދުވަހުގެރޭ 08:30 ގައި ހިތަދޫ ޝަރަފުއްދީނު ސްކޫލްފަ އެވެ.
އެގޮތުން ގުރުއަތުގައި ބައިވެރިވެވޭ ފަރާތްތަކަށް މިޑިޕާޓްމަންޓުން އެކަން އަންގާނެ ކަމަށް އިއުލާނުގައިވެ އެވެ.
ދެހާސް އެގާރަ ވަނަ އަހަރު އައްޑޫގައި ސާކް ސަމިޓް ބާއްވަން އިކްޓޯރިއަލް ކޮންވެންޝަން ސެންޓަރު (އީސީސީ) އިމާރާތް ކުރަން ހިތަދޫ މާމެންދު އާއި އާރްއޭއެފް ސަރަހައްދުން އާންމުންނަށް ދޫކޮށްފައިވާ ގިނަ އަދަދެއްގެ ގޯތިތަކެއް ވަނީ ބަދަލު ދޭނެ ކަމަށް ބުނެ ނަގައިފަ އެވެ.