ޔަމީ ގޯތަމީ އާއި އަލީ ޒަފަރު ލީޑް ރޯލް ކުޅެފައިވާ "ޓޯޓަލް ސިޔާޕާ" ގެ ޓްރެއިލާ ލޯންޗްކޮށްފި އެވެ.
މިއީ އަޔުޝްމަން ކުރާނާ އާކު "ވިކީ ޑޯނާ" އިން ބޮލީވުޑަށް ތައާރަފްވި ޔަމީގެ ދެވަން ފިލްމެވެ.
ޔަމީ އާއި ޕާކިސްތާނަށް އުފަން އަލީގެ އިތުރުން "ޓޯޓަލް ސިޔާޕާ" ގައި އަނޫޕަމް ކޭރާއި އޭނާގެ އަންހެނުން ކިރަން ކޭރު ވެސް މުހިއްމު ރޯލެއް އަދާކޮށްފައިވެ އެވެ. އަދި މިއީ އެ ދެމަފިރިން އެކުގައި ފުރަތަމަ ފިލްމަކުން ފެންނަ ފުރަތަމަ ފިލްމް ވެސް މެ އެވެ.
މި ފިލްމުގައި އަނޫޕަމް އާއި ކިރަން ފެނިގެން ދާނީ ޔަމީގެ މަންމަ އާއި ބައްޕަގެ ރޯލުންނެވެ.
ލަންޑަނުގައި މަންޒަޒަރުތައް ނަގާފައިވާ "ޓޯޓަލް ސިޔާޕާ" ގެ ޑައިރެކްޓަކީ އީޝްވަރު ނިވާސް އެވެ.
މި ފިލްމުގައި ކިޔައި ދޭނީ ޕާކިސްތާން ފިރިހެން ކުއްޖަކާއި އިންޑިއާގެ ހިންދޫ އާއިލާއެއްގެ އަންހެން ކުއްޖެއްގެ މެދުގައި ހިނގާ ލޯބީގެ ހެއްވާ މަޖާ ހާދިސާތަކެކެވެ.
ކުރިން "އަމަން ކީ އާޝާ" ގެ ނަމުގައި މަސައްކަތް ފެށި މި ފިލްމް ސިނަމާތަކަށް އަންނާނީ އަންނަ ޖެނުއަރީ މަހުގެ 31 ގަ އެވެ.