ކޮވިޑް-19 އަށް ޕޮޒިޓިވް ވެފައިވައިވާ އަނބިކަނބަލުން ނަސްރީނާ އިބްރާހިމްގެ ހާލު ރަނގަޅު ކަމަށް ކުރީގެ ރައީސް މައުމޫން އަބްދުލް ޤައްޔޫމް ވިދާޅުވެއްޖެއެވެ.
ރައީސް މައުމޫން ކުރެއްވި ޓްވީޓެއްގައި ވިދާޅުވެފައިވަނީ، ނަސްރީނާގެ ހާލު ރަނގަޅުކަމަށާއި، ހުރިހާބޭފުޅުންގެ ހެޔޮދުއާއަށް ޝުކުރުދަންނަވާ ކަމަށެވެ.
މާތް ﷲ ގެ ހެޔޮ ރަޙްމަތްފުޅުން ނަސްރީނާގެ ޙާލު ރަނގަޅު. ހުރިހާބޭފުޅުންގެ ހެޔޮދުޢާއަށް ޝުކުރުދަންނަވަން. ކޯވިޑް ބަލި ތަޙަންމުލު ކުރައްވަމުން ގެންދަވާ އެންމެހާ ބޭފުޅުންނަށް މާތް ﷲ އަވަސްޝިފާއެއް މިންވަރު ކުރައްވާށި! އާމީން!
— Maumoon Abdul Gayoom (@maumoonagayoom) June 15, 2021
ނަސްރީނާ ކޮވިޑް-19 އަށް ޕޮޒިޓިވްކަން ހާމަކޮށްފައިވަނީ ހުކުރު ދުވަހުގެ ރޭގެވަގުތެއްގައެވެ. ނަސްރީނާ ބައްޔަށް ޕޮޒިޓިވްވުމުން ރައީސް މައުމޫން ކޮވިޑް-19 އަށް ޓެސްޓް ކުރުމުން ނަތީޖާ ނެގެޓިވް ވެފައިވާކަމަށް މައުލޫމާތުލިބެއެވެ.
އަދި ނަސްރީނާ މިވަގުތު ހުންނެވީ ގޭގައި ކަމަށް މައުލޫމާތުލިބެއެވެ.