ސ. ގަން އެއާޕޯޓްގެ ރަންވޭ ދިގު ކުރަން ހިއްކަމުން އަންނަ ބިމުގެ މަސައްކަތް ހުއްޓިއްޖެ އެވެ.
އައްޑޫ އިންޓަނެޝަނަލް އެއާޕޯޓް (އޭއައިއޭ) ގެ އޮފިޝަލަކު ވިދާޅުވީ ދުބާއީގެ ގަލްފް ކޮބްލާއިން ހިއްކުމުގެ މަސައްކަތް ކުރަމުން ދަނިކޮށް، ފައިސާގެ ތާށީކަމެއް ދިމާވެގެން މަސައްކަތް މެދުކެނޑިފައި ވަނީ މީގެ ދެ ހަފުތާއެއްހާ ދުވަސް ކުރިން ކަމަށެވެ.
މި މަސައްކަތް މެދުކެނޑުނު އިރު، ހިއްކަން ޖެހޭ ބިމުގެ 30 ޕަސެންޓް ވަނީ ނިންމައިފަ އެވެ.
އޮފިޝަލް ވިދާޅުވީ ގަލްފް ކޮބްލާ އަށް ދިމާވެފައިވާ ފައިސާގެ މައްސަލަ ހައްލުކޮށް، އަލުން މަސައްކަތް ފެށުމަށް މަސައްކަތްތަކެއް ކުރަމުން އަންނަ ކަމަށެވެ.
އެނގިފައިވާ ގޮތުގައި ފައިސާގެ ތާށިކަން ދިމާވެގެން، މަސައްކަތަށް ބޭނުން ކުރާ އުޅަނދުތަަކަށް ބޭނުންވާ ތެޔޮ ގެތުމަށް ކޮބްލާ އަށް ވަނީ ދަތިތަކެއް ދިމާވެފައިވެ އެވެ.
މި މަސައްކަތް އެ ކުންފުންޏާ ހަވާލު ކުރީ މަސައްކަތް ފަށާތާ ފަސް މަހެއްހާ ދުވަހުގެ ތެރޭގައި ނިންމާ ގޮތަށް 11.7 މިލިއަން ޑޮލަރަށެވެ.