އައްޑޫގެ ތާރީހު ދިރާސާކޮށް، ފޮތްތައް ވެސް ލިޔުއްވާ އަލީ ފަހުމީ އަހުމަދު ވެސް ކުރިއަށް ލޯކަލް ކައުންސިލް އިންތިހާބުގައި ވާދަ ކުރަން ނިންމައިފި އެވެ.
އާޓް ދާއިރާގައި ވެސް މަސައްކަތް ކުރައްވާ ފަހުމީ (އަހަންމާގެ ފަހުމީ) ކައުންސިލް އިންތިހާބުގައި ވާދަ ކުރައްވަނީ އެމްޑީޕީ ޓިކެޓްގަ އެވެ.
އޭނާ މިހާރު ގެންދަވަނީ އިލެކްޝަން ކޮމިޝަނަށް ހުށަހަޅަން ޖެހޭ 200 މީހުންގެ ސޮއި ހޯދުމުގެ މަސައްކަތް ކުރަމުންނެވެ.
"ސުވާދީބް" އަދި "އައްޑޫ ގަން ހިންގުން" ގެ ނަމުގައި ދެ ފޮތް ނެރުއްވާފައިވާ ފަހުމީއަކީ ކުރިން ފޭދޫގެ ރަށް ކުރިއަރުވާ ކޮމިޓީ އާއި އައްޑޫ ޑިވެލޮޕްމަންޓް އޮތޯރިޓީ (އޭޑީއޭ) ގައި ވެސް މަސައްކަތް ކުރައްވާފައިވާ ބޭފުޅެކެވެ.
އޭނާ އެމްޑީޕީ ޓިކެޓްގައި ކައުންސިލްގެ ފޭދޫ ދާއިރާގެ ގޮނޑި އަށް ކުރިމަތިލައްވާ އިރު، އެމްޑީޕީ މެމްބަރެއްގެ ގޮތުގައި ހުންނެވި ހިތަދޫ މެޖިސްޓްރޭޓް ކޯޓުން ބާތިލް ކަމަށް ކަނޑައަޅާފައިވާ އަވަށު ބޯޑްތަކުގެ ތެރޭގައި ހިމެނޭ ފޭދޫ އަވަށު ބޯޑްގެ ނައިބް ރައީސްގެ މަގާމުގައި ހުންނެވި ހައްވާ ޒީނަތު ވެސް ވަނީ އެ ދާއިރާ އަށް ކުރިމަތިލައްވަން ނިންމަވައިފަ އެވެ.
އަދި އިންތިހާބަށް ވާދަ ކުރުމުގެ ޝައުގުވެރިކަން ގިނަ ބަޔަކު ދަނީ ފާޅު ކުރަމުންކަން ފާހަގަކޮށްލެވެ އެވެ.