މަހަަށް ގޮސް އުޅެނިކޮށް ދޯންޏަކުން ކަނޑަށް ވެއްޓުނު މީހަކު ހޯދުމުގެ މަސައްކަތް އެމްއެންޑީއެފް ސަދަން އޭރިއާ ކޯސްޓްގާޑް ސްކޮޑްރަންއިން މިއަދު ފަށައިފި އެވެ.
ހޯދަމުންދާ މީހަކީ މަރަދޫފޭދޫ ވަޑިގެ ޢުމުރުން 33 އަހަރުގެ މުމްތާޒު އެވެ.
ސަދަން އޭރިއާ އިން ބުނީ އޭނާ ކަނޑަށް ވެއްޓުނީ "ސީބާރޑް" ނަމަކަށްކި ޔާ ދޯންޏެއްގައި ރޭ މަސްވެރިކަމަށް ނުކުމެ އުޅެނިކޮށް މިއަދު ހެނދުނު ގާތްގަނޑަށް 07:50 ހާއިރު އެވެ.
އޭރު ދޯނި އޮތީ ޝަންގިރިއްލާ ރިސޯޓްގެ އިރުދެކުނުން ގާތްގަނޑަކަށް 22 ނޯޓިކަލް މޭލް ބޭރުގަ އެވެ.
މިމީހާ ކަނޑަށް ވެއްޓިގެން އުޅޭ ކަމުގެ މަޢުލޫމާތު ލިބުމާއިއެކު އެމްއެންޑީއެފް ސަދަން އޭރިއާ ކޯސްޓްގާޑް ސްކޮޑްރަންގެ ޑައިވަރުންނާ އެކު ހާބަ ކްރާފްޓް ލޯންޗެއް މިހާރު ދަނީ އެ ސަރަޙައްދުގައި ޙަރަކާތްތެރިވަމުންނެވެ.
އަދި މިއަދު ހެނދުނު 10:25 ހާއިރުން ފެށިގެން އެމްއެންޑީއެފް ކޯސްޓްގާޑް އެއަވިންގުގެ ހެލިކޮޕްޓަރު ބޭނުންކޮށްގެން ވައިގެ މަގުން ވެސް މުމްތާޒް ހޯދުމުގެ މަސައްކަތް ދަނީ ކުރަމުންނެވެ.