ޖުމްހުރީ ޕާޓީގެ ޓިކެޓްގައި ހިތަދޫ ދެކުނު ދާއިރާގެ ކައުންސިލަށް ކުރިމަތިލަނީ ހިތަދޫ، މުދިންގެ، އަޠްހަރު ހަލީމްކަމަށް އެޕާޓީން ކަނޑައަޅައިފިއެވެ.
ޖޭޕީން އަޠްހަރުއަށް ޕާޓީ ޓިކެޓް ދިނީ ޑިސެމްބަރ މަހުގެ 1 ވަނަ ދުވަހު އޮފީސް ބަންދުކުރުމުގެ ނިޔަލަށް ކައުންސިލަށް ކުރިމަތިލުމަށް ޕާޓީން ތައްޔާރު ކުރި ފޯމާއި އެކު ފުރިމަހަ ކުރަންޖެހޭ ލިއެކިއުން ފުރިހަމަކޮށް ހުށަހަޅާފައިވަނީ އަޠްހަރު އެކަނި ކަމަށްވާތީއެވެ.
މޯލްޑިވްސް ނެޝަނަލް ޔުނިވާސިޓީން ބެޗްލާސް އޮފް އެންވައިރަމެންޓަލް މެނޭޖްމަންޓް ކިޔަވަމުން އަންނަ އަޠްހަރު ވަނީ ކުރީގެ އައްޑޫ އަތޮޅު އޮފީހުގެ އެޑްމިނިސްޓްރޭޓިވް އޮފިސަރެއްގެ މަގާމް ދެއަހަރު އަދާކޮށްފައެވެ.
އަޠްހަރު މިއަދު ވިދާޅުވީ ޕާޓީން ނިންމަން ޖެހޭ ބައެއް ކަންކަން ފުރުހަމަ ވުމާއި އެކު ކެމްޕެއިން ފަށާނެކަމަށެވެ.
"އައްޑޫލައިވް"އަށް މައުލޫމާތު ލިބިފައިވާ ގޮތުގައި އަޠްހަރުއާއި އެކު ކައުންސިލްކަމަށް ކުރިމަތިލައި މިހާރު ފެނަކަ ކޯޕަރޭޝަންގެ އައްޑޫ ރީޖަނަލް ޑައިރެކްޓަރ މަގާމުގައި ހުރި ހުސެއިން ޒަރީރުވެސް ވަނީ ފޯމު ހުށަހަޅާފައެވެ. އެކަމަކު ޒަރީރުގެ ފޯމު ފުރިަހަމަ ނުވަތީ އެފޯމަކީ ސައްހަ ފޯމެއްކަމަށް ޕާޓީން ބަލައިގެންފައި ނުވެއެވެ.
އަޠްހަރު އާއި އެކު ދެކުނު ދާއިރާއިން އެމްޑީޕީ ޓިކެޓްގައި ވާދަ ކުރާނީ މުހައްމަދު ޔަސްރިފްއެވެ.