އެމްއެންޔޫއިން ޑރ.އިޔާޒް އާއިމެދު އެޅި ފިޔަވަޅަކީ އިލްމީ އެ މުއައްސަސާގެ އަގު ވައްޓާލުމެއް ކަމަށް މަޝްހޫރު ދީނީ އިލްމުވެރިއެއް ކަމަށްވާ ޝެއިޚް މުޙައްމަދު އަނީލް ވިދާޅުވެއްޖެއެވެ.
ޝެއިޚް އަނީލް މިހެން ވިދާޅުވެފައިވަނީ މޯލްޑިވްސް ނޭޝަނަލް ޔުނިވަރސިޓީ (އެމްއެންޔޫ) ގެ ލެކްޗަރާގެ މަގާމުން ޑރ. މުހައްމަދު އިޔާޒް ވަކިކުރެއްވުމާއި ގުޅިގެން ކުރެއްވި ޓްވީޓެއްގައެވެ.
Dheenuge hukum thah bayaan koh dhinumakee kusheh noon. Ilmuveringe medhugai khilaafu huri massala eggai, ilmee amaanaiy adhaa kurumakee kusheh noon.@MNUedu ge Asst. professor @dr_iyaz aa medhu elhi fiyavalhakee ilmee e muassasaa ge agu vattaalumeh. E Nimmun anbura gendhan jehey.
— Aneel 🇲🇻 (@aneelmv) July 1, 2021
"ދީނުގެ ޙުކުމްތައް ބަޔާންކޮށް ދިނުމަކީ ކުށެއް ނޫން. ޢިލްމުވެރިންގެ މެދުގައި ޚިލާފު ހުރި މައްސަލައެއްގައި ޢިލްމީ އަމާނާތް އަދާކުރުމަކީ ކުށެއް ނޫން. އެމްއެންޔޫގެ އެސިސްޓެންޓް ޕްރޮފެސަރ ޑރ. އިޔާޒް އާއިމެދު އެޅި ފިޔަވަޅަކީ ޢިލްމީ އެ މުއައްސަސާގެ އަގު ވައްޓާލުމެއް. އެ ނިންމުން އަނބުރާ ގެންދަންޖެހޭ" ޝެއިޚް އަނީލް ވިދާޅުވިއެވެ.
އެމްއެންޔޫގެ ވައިސް ޗާންސިލަރު ޑރ. މުހައްމަދު ޝަރީފް ބައެއް މީޑިޔާތަކަށް މައުލޫމާތު ދެއްވަމުން ވިދާޅުވެފައިވަނީ އިޔާޒު ވަކިކޮށްފައިވަނީ ތަފާތު އެކި ފަހަރުމަތިން ނަސޭހަތްދީގެން ވެސް އިސްލާހުނުވުމާ ގުޅިގެން ކަމަށެވެ.
އެކަމާ ގުޅިގެން ޝަރީފް ޓެގް ކުރައްވައި އިޔާޒު ކުރެއްވި ޓްވީޓެއްގައި ވިދާޅުވީ ތިޔަބައި މީހުންނަށް ޙުކުމްކޮށް އަދަބު ދެވޭނީ މިދުނިޔެ މަތީގައި ކަމަށާއި ނަމަވެސް މާތްﷲ އިރާދަކުރެއްވިއްޔާ އޭނާ އަށް ނިކަމެތި ކަމެއް ނުލިބޭނެ ކަމަށެވެ.
އެމްއެންޔޫގެ ވައިސް ޗާންސިލަރު ޑރ. މުހައްމަދު ޝަރީފް ބައެއް މީޑިޔާތަކަށް މައުލޫމާތު ދެއްވަމުން ވިދާޅުވެފައިވަނީ އިޔާޒު ވަކިކޮށްފައިވަނީ ތަފާތު އެކި ފަހަރުމަތިން ނަސޭހަތްދީގެން ވެސް އިސްލާހުނުވުމާ ގުޅިގެން ކަމަށެވެ.
އެކަމާ ގުޅިގެން ޝަރީފް ޓެގް ކުރައްވައި އިޔާޒު ކުރެއްވި ޓްވީޓެއްގައި ވިދާޅުވީ ތިޔަބައި މީހުންނަށް ޙުކުމްކޮށް އަދަބު ދެވޭނީ މިދުނިޔެ މަތީގައި ކަމަށާއި ނަމަވެސް މާތްﷲ އިރާދަކުރެއްވިއްޔާ އޭނާ އަށް ނިކަމެތި ކަމެއް ނުލިބޭނެ ކަމަށެވެ.