ސަރުކާރާއި އެމްޑީޕީގެ ވާދަވެރިން އިންޑިއާ އާއި ގުޅޭގޮތުން ދައްކަވާ ފިތުނަވެރި އަދި ބޭއަދަބީ ވާހަކަތައް ހުއްޓަންޖެހޭ ކަމަށް ރައްޔިތުންގެ މަޖިލީހުގެ ރައީސް މުހައްމަދު ނަޝީދު ވިދާޅުވެއްޖެއެވެ.
ނަޝީދު ކުރެއްވި ޓްވީޓްގައި ރާއްޖެއަށް ކަނޑައަޅާފައި ތިއްބަވާ ބޭރުގެ ޑިޕްލޮމެޓުންނާއި ގުޅޭގޮތުން އަޅުގަނޑުމެން ދައްކާ ވާހަކަތައް ހުންނަންޖެހޭނީ ވަކި ހަމަތަކެއްގައިކަން ވަނީ ހާމަ ކުރައްވާފައެވެ.
Raajje ah kan’daalhaafai thihbavaa beyruge diplomat innaai gulhey gothun alhugandumen dhakkaa vaahakathah hunnan jehyenee vaki hama thakehga. Sarukaar aai MDP ge vaadhaverin India aai gulhey gothun dhakkavaa fithunaveri adhi beyadhabee vaahakathah huttanjehey
— Mohamed Nasheed (@MohamedNasheed) July 2, 2021
"ރާއްޖެއަށް ކަނޑައަޅާފައި ތިއްބަވާ ބޭރުގެ ޑިޕްލޮމެޓުންނާއި ގުޅޭގޮތުން އަޅުގަނޑުމެން ދައްކާ ވާހަކަތައް ހުންނަންޖެހޭނީ ވަކި ހަމަތަކެއްގަ. ސަރުކާރާއި އެމްޑީޕީގެ ވާދަވެރިން އިންޑިއާ އާއި ގުޅޭގޮތުން ދައްކަވާ ފިތުނަވެރި އަދި ބޭއަދަބީ ވާހަކަތައް ހުއްޓަންޖެހޭ" ނަޝީދު ވިދާޅުވިއެވެ.
ރާއްޖޭގައި ހުންނަ އިންޑިއާ އެމްބަސީން ވިއެނާ ކޮންވެންޝަނުން ލިބިދޭ ޑިޕްލޮމެޓިކް އިމިއުނިޓީ ނަހަމަ ގޮތުގައި ބޭނުންކޮށްފައިވާކަމަށް ކުރީގެ އުއްތަމަ ފަނޑިޔާރު ޑރ. އަހުމަދު އަބްދުﷲ ދީދީ ވަނީ ވިދާޅުވެފައެވެ.
ޑރ. ދީދީ މިފަދައިން ވިދާޅުވެ ޓްވީޓް ކުރައްވާފައިވަނީ ރާއްޖޭގައި ހުންނަ އިންޑިއާ ހައި ކޮމިޝަނުގެ މެމްބަރުންނާއި ސްޓާފުންނާއި މެދު ނަފްރަތު އުފައްދަން ރާއްޖޭގެ ބައެއް މީޑިޔާތަކުން އާޓިކަލްތައް ލިޔެ އަދި ސޯޝަލް މީޑިއާގައި ކުރާ ޕޯސްޓުތަކާ ގުޅިގެން ފިޔަވަޅު އަޅައިދޭން އެދި އިންޑިއާ އެމްބަސީން ފޮނުވި ސިޓީއާ ހަވާލާދީއެވެ.