އިންޑިއާއާއި ގުޅުވައިގެން ހިންގާ ފިތުނަވެރި އަމަލުތަކުގެ ގެއްލުން ލިބޭނީ ދިވެހީންނަށް ކަމަށް ފޭދޫ ދާއިރާގެ މެމްބަރު މުހައްމަދު ނިހާދު ވިދާޅުވެއްޖެއެވެ.
ނިހާދު މިހެން ވިދާޅުވީ ރާއްޖޭގައި ހުންނަ އިންޑިއާ ހައި ކޮމިޝަނުގެ މެމްބަރުންނާއި ސްޓާފުންނާއި މެދު ނަފްރަތު އުފައްދަން ރާއްޖޭގެ ބައެއް މީޑިޔާތަކުން އާޓިކަލްތައް ލިޔެ އަދި ސޯޝަލް މީޑިއާގައި ކުރާ ޕޯސްޓުތަކާ ގުޅޭ މައްސަލަ ފުލުހުން ބަލަން ފަށައިފައިވާ ދަނޑިވަޅެއްގައި ކުރެއްވި ޓްވީޓެއްގައެވެ.
Avatteri India Sarukaaru ge verinnaai e gaumun Raajje ah kanda alhuvvafai vaa diplomatunnah Amaazu koh hingaa fithunaveri dhogu Harakaaih thakaai dhemun gendhaa inzaarakee balaiganeweyne amalu thakeh noon! Eiee Siyaasee kameh noon! Gellun libeynee gaumaai nikamethi Rayyithunnah!
— Feydhoo Meehaa (Mohamed Nihad) (@nihad_m) July 2, 2021
"އަވަށްޓެރި އިންޑިއާ ސަރުކާރުގެ ވެރިންނާއި އެ ޤައުމުން ރާއްޖެއަށް ކަނޑައަޅުއްވާފައިވާ ޑިޕްލޮމެޓުންނަށް އަމާޒުކޮށް ހިންގާ ފިތުނަވެރި ދޮގު ހަރަކާތްތަކާއި ދެމުންގެންދާ އިންޒާރަކީ ބަލައިގަނެވޭނެ އަމަލުތަކެއް ނޫން! އެއީ ސިޔާސީ ކަމެއް ނޫން! ގެއްލުން ލިބޭނީ ގައުމާއި ނިކަމެތި ރައްޔިތުންނަށް!" ނިހާދު ވިދާޅުވިއެވެ.
މަޖިލީހުގެ ހާރިޖީ ގުޅުންތަކުގެ ކޮމިޓީގެ މުގައްރިރު އަދި މަރަދޫ ދާއިރާގެ މެންބަރު އިބްރާހިމް ޝަރީފް ވެސް ވަނީ އިންޑިއާ ހައި ކޮމިޝަނާއި ދެކޮޅަށް އިންޒާރު ދިނުން ކުށްވެރިކުރާ ކަމަށާއި އެކަން ފުލުހުން މިހާރު ބަލަމުންދާ ކަމަށް ވިދާޅުވެފައެވެ.
އަދި އިންޑިއާ އަކީ ރާއްޖޭގެ އެންމެ ގާތް އެކުވެރި ގައުމު ކަމަށްވާއިރު މިފަދަ ކަންކަން ބަލައިނުގަނެވޭނެ ކަމަށްވެސް ޝަރީފް ވަނީ ވިދާޅުވެފައެވެ. އަދި ޑިޕްލޮމެޓިކް މިޝަންތަކަށް ރައްކާތެރިކަން ކަށަވަރުކޮށްދޭންޖެހޭ ކަމަށްވެސް އޭނާ ވިދާޅުވިއެވެ.
މީގެ އިތުރުން ސަރުކާރާއި އެމްޑީޕީގެ ވާދަވެރިން އިންޑިއާ އާއި ގުޅޭގޮތުން ދައްކަވާ ފިތުނަވެރި އަދި ބޭއަދަބީ ވާހަކަތައް ހުއްޓަންޖެހޭ ކަމަށް ރައްޔިތުންގެ މަޖިލީހުގެ ރައީސް މުހައްމަދު ނަޝީދު ވަނީ ވިދާޅުވެ ކަންބޮޑުވުން ފާޅުކުރައްވާ ޓްވީޓް ކުރައްވާފައެވެ.