އިންޑިނޭޝިއާގައި ކޮވިޑް-19 ގެ ހާލަތު ވަރަށް ބޮޑަށް ގޯސްވެ، އޮކްސިޖަން ނުލިބިގެން މަރުވާ އަދަދު އިތުރުވާން ފަށައިފިއެވެ.
ހޮސްޕިޓަލުން ބުނެފައިވާ ގޮތުގައި އޮކްސިޖަން ވަރަށް މަދުވެފައިވާ ކަމަށާއި އޮކްސިޖަން ނުދެވުމުގެ ސަބަބުން މިހާތަނަށް 63 މީހުން މަރުވެފައިވާ ކަމަށެވެ. އިންޑޮނޭޝިއާގައި ދުވާލަކަށް 25،000ށް ވުރެ ގިނަ ޕޮޒިޓިވް ކޭސް ދުވާލެއްގެ މައްޗަށް ދަނީ ރެކޯޑް ކުރެވެމުންނެވެ.
ދަތުރުފަތުރު ކުރާ ފަރާތްތައް އިތުރު ވުމުގެ ސަބަބުން ޑެލްޓާ ވޭރިއަންޓް ފެނި މިއަދު އޮތް ހާލަތަށް ކަންތައް ގޯސްވެގެން ދިޔައީ ކަމަށް އެ ގައުމުގެ ސިއްޚީ މާހިރުން ބުނެއެވެ. ދެކުނު އިތުމަތީ އޭޝިއާގައި އިންޑޮނޭޝިއާ ވެފައިވަނީ ކޮވިޑްގެ ހާލަތު އެންމެ ގޯސް ގައުމު ކަމަށެވެ.
އިންޑޮނޭޝިއާގައި މިވަގުތު 2.3 މިލިއަން ޕޮޒިޓިވް ކޭސް ރެކޯޑް ކުރެވިފައިވެއެވެ. އަދި 60،000ށްވުރެ ގިނަ މީހުން ވަނީ މި ބަލީގައި މަރުވެފައެވެ. އިންޑޮނޭޝިއާގައި އައިލެންޑް ޖާވާ، އަދި ބާލީގައި ވަނީ ލޮކްޑައުން އިއުލާން ކޮށްފައެވެ.
ހޯމަ ދުވަހު 2 ހޮސްޕިޓަލަކުން ވަނީ އެމީހުންގެ އަތުން އޮކްސިޖަން ހުސްވެފައިވާ ކަމަށް ބުނެފައެވެ. އެގޮތުން އިމަޖެންސީ ހާލަތު ދިމާވެގެން އަންނަ ޕޭޝަންޓުންނަށް އެ ހޮސްޕިޓަލްތަކުގައި ފަރުވާ ދެވެން ނެތްކަމަށް ދަނީ އަންގަމުންނެވެ.
ސަރުކާރު ހޮސްޕިޓަލްތައް ފުރި ހޮސްޕިޓަލްތަކުގެ ބޭރުގައި ޓެންޓް ޖަހާފައި ޕޭޝަންޓުން ދަނީ ބައިތިއްބަމުންނެވެ.