ރައީސުލްޖުމްހޫރިއްޔާ ބޭނުން ފަރާތަކަށް ޓެކްސް މާފުކުރުމުގެ ބާރު ދިނުމަކީ ފަހަތަށް އަޅާ ފިޔަވަޅެއް ކަމަށް މާވަށު ދާއިރާގެ މެމްބަރު މުހައްމަދު ސައީދު ވިދާޅުވެއްޖެއެވެ.
ސައީދު މިހެން ވިދާޅުވެފައިވަނީ މެމްބަރުން ހަމަނުވުމުގެ ސަބަބުން 3 ބިލަކަށް ވޯޓަށް ނޭހުނު ކަމަށް އޮންލައިން ނޫހެއްގައި ލިޔެފައިވާ ޚަބަރަކަށް އިޝާރާތް ކުރައްވާ ކުރެއްވި ޓްވީޓެއްގައެވެ.
Sarukaarun genna goas badhalu thakah noonekey bunevenvaane! Tax bill ah genna badhalu thah gellun boduvaane. RJ beynun faraathakah tax maafukurumuge baaru dhinumakee fahathah alhaa fiyavalheh. https://t.co/ibw20XDHPn
— Mohamed Saeed (@em_saeed) July 7, 2021
" ސަރުކާރުން ގެންނަ ގޯސް ބަދަލުތަކަށް ނޫނެކޭ ބުނެވެންވާނެ! ޓެކްސް ބިލްއަށް ގެންނަ ބަދަލުތައް ގެއްލުން ބޮޑުވާނެ. ރައީސުލްޖުމްހޫރިއްޔާ ބޭނުން ފަރާތަކަށް ޓެކްސް މާފުކުރުމުގެ ބާރު ދިނުމަކީ ފަހަތަށް އަޅާ ފިޔަވަޅެއް." ސައީދު ވިދާޅުވިއެވެ.
އާމްދަނީން ޓެކްސް ނެގުމުގެ ބިލް އިސްލާޙްކޮށް މުޅި މަޖިލީހުގެ ކޮމިޓީން ބިލު ފާސްކޮށް ތަޅުމަށް ފޮނުވަން ވަނީ ނިންމާފައެވެ. ބިލްގައިވާ ގޮތުން އުމްރާނީ ވަސީލަތްތައް ތަރައްގީކުުރުމަށް ކުރާ މަސައްކަތްތަކާ ގުޅޭ ވިޔަފާރިތަަކަށް ލިބޭ އާމްދަނީ، އިކޮނޮމިކް މިނިސްޓަރުގެ ލަފާގެ މަތިން ގާނޫނުގެ ދަށުން ޓެކްސް ނެގުން ފަސް އަހަރުގެ މުއްދަތަކަށް އިސްތިސްނާކުރުމުގެ ބާރު ރައީސަށް ލިބި ދިނުމަށް ހިމަނާފައިވެއެވެ.
އާމްދަނީން ޓެކްސް ނެގުމުގެ ބިލް ހިމެނޭ ގޮތަށް 3 ބިލެއް ވަނީ މަޖިލީހަށް ފޮނުވާފައެވެ. މަޖިލީހަށް ފޮނުވާފައިވާ ރިޕޯޓުތަކަށް ވޯޓަށް އަހަން ބޭނުންވާ މިންވަރަށް މެންބަރުން މަޖިލީހުގެ ތަޅުމަށް ހާޒިރުވެވަޑައިގެން ނެތުމުން އެ ތިން ބިލަށް މިއަދު ވޯޓަށް އަހަން އިއުލާނުކުރި ވަގުތުގައި ވޯޓަށް އެހޭނެ ގޮތެއް ވަނީ ނުވެފައެވެ.