މޯލްޑިވްސް އިސްލާމިކް ޔުނިވަސިޓީ(އައިޔޫއެމް)ގެ އައްޑޫ ސިޓީ ލާނިން ސެންޓަރުން އާ ކޯސްތަކަށް ކުރިމަތިލާން ހުޅުވާލައިފި އެވެ.
އައިޔޫއެމް އިން އައްޑޫގައި ފެކަލްޓީ، ގާއިމުކޮށް ހިންގަން ފެށީ މި އަހަރު އެވެ. އެ ޔުނިވަސިޓީ އިން އައްޑޫ ސިޓީ ސެންޓަރުން މިހާރުވެސް ދެ ކޯހެއް މީދޫގައި ހިންގަމުންދެ އެެވެ. އެެހެން ނަމަވެސް މިހާރު ބޭނުން ކުރަމުންދަނީ ވަގުތީ އިމާރާތެކެވެ. އިސްލާމިކް ޔުނިވަސިޓީގެ ލާނިންސެންޓަރު ހިންގުމަށް ހަމަ ޖެހިފައިވަނީ މީދޫ ޝަމްސުއްދީން ސްކޫލް ހިންގި އިމާރާތުގައި އެވެ. އަދި އެ ސެންޓަރު ރަސްމީކޮށް އަންނަ މަހު ހުޅުވުމަށް ވަނީ ހަމަޖެހިފައި އެވެ.
އައްޑޫ ސިޓީގެ ލާނިންސެންޓަރުން އިއުލާންކުރި ކޯސްތަކުގެ ތެރޭގައި އޮންލައިންކޯސްތައްވެސް ހިމެނެ އެވެ. އަދި އައްޑޫ ސިޓީގެ ލާނިން ސެންޓަރުން ސެޓްފިކެޓް ލެވަލް އެކެއްގެ ކޯސްތަކުން ފެށިގެން މާސްޓަރސް ލެވަލްގެ ކޯސްތަކަށް ކުރިމަތިލުމަށް ވަނީ ހުޅުވާލާފައި އެވެ.
