ޖަޕާނުގައި ސްޓޭޓް އޮފް އިމަޖެންސީ އިއުލާންކޮށްފިއެވެ.
ޖަޕާނުގެ ޓޯކިއޯގައި ސްޓޭޓް އޮފް އިމަޖެންސީ، ޕްރައިމް މިނިސްޓަރު ޔޮޝިހިދޭ ސުގާ ވަނީ އިއުލާން ކޮށްފައެވެ. މިކަން އިއުލާން ކުރުމާއި ގުޅިގެން ޓޯކިއޯގައި ކުރިޔަށް ގެންދިޔުމަށް ހަމަޖެހިފައިވާ އޮލިމްޕިކްސްގެ އެއްވެސް އިވެންޓެއް ބެލުމަށް ބަޔަކު ނުވައްދާ ގޮތަށް ވަނީ ނިންމާފައެވެ. އޮލިމްޕިކްސް ބޭއްވުމަށް ހަމަޖެހިފައިވަނީ ޖުލައި 23 ވަނަ ދުވަހުން ފެށިގެން އޮގަސްޓް 8 ގެ ނިޔަލަށެވެ.
ޖަޕާނުގައި ސްޓޭޓް އޮފް އިމަޖެންސީ އިއުލާން ކޮށްފައިވަނީ ބުރާސްފަތި ދުވަހުން ފެށިގެން އޮގަސްޓް 22 ވަނަ ދުވަހުގެ ނިޔަލަށެވެ.
ސުގާ ބުނެފައިވާ ގޮތުގައި މުސްތަޤްބަލުގައި ޖަޕާނުގައި ކޮވިޑް އިތުރަށް ފެތުރިގެން ގައުމުގެ ހާލަތު ދަށަށް ދިޔަ ނުދީ ހިފެހެއްޓުމަށްޓަކާ މިއަދު ސްޓޭޓް އޮފް އިމަޖެންސީ އިއުލާން ކުރުން ކޮންމެހެން މުހިއްމު ކަމެއް ކަމުގައި އޭނާ ދެކެއެވެ.
ސިއްހީ ތަޖުރިބާކާރުން ބުނާ ގޮތުގައި އޮލިމްޕިކް ގޭމްސްތައް ބެލުމަށް އެއްވެސް ބަޔަކަށް ޖާގަ ނުދިނުމަކީ ކޮވިޓް ފެތުރުން ހުއްޓުމަށް އެޅޭނެ ފިޔަވަޅެކެވެ.
ދުނިޔޭގައި މިހާތަނަށް ކޮވިޑް ޖެހިގެން 4،001،782 މީހުން ވަނީ މަރުވެފައެވެ. މީގެ ތެރެއިން އެންމެ ގިނަ މީހުން މަރުވެފައިވަނީ އެމެރިކާއިންނެވެ. އެއީ 606،218 މީހުންނެވެ. އަދި ދެވަނައަށް އެންމެ ގިނަ މީހުން ކޮވިޑްގައި މަރުވެފައިވަނީ ބްރެޒިލްއިންނެވެ. އެއީ 525،540 މީހުންނެވެ. އަދި ތިންވަނައިގާ އޮތީ އަވަށްޓެރި އިންޑިއާއެވެ. އިންޑިއާއިން މިހާތަނަށް ކޮވިޑް ޖެހިގެން 405،028 މީހުން ވަނީ މަރުވެފައެވެ.