ރަނގަޅު ވަޒީރުން ކަތިލާ ކާޅަށް ކާންދޭއިރު ރައީސް ބެއްލެވުމުގައި ކަމަށް ކުރީގެ ކޮމިއުނިކޭޝަން މިނިސްޓަރު މުހައްމަދު މަލީހް ޖަމާލް ވިދާޅުވެއްޖެއެވެ.
މަލީހް މިހެން ވިދާޅުވެފައިވަނީ އިންކުއަރީ ރިޕޯޓާއި ބެހޭގޮތުން އޮންލައިން ނޫހެއްގައި ލިޔެފައިވާ ހަބަރެއް ޝެއާރ ކުރައްވާ ކުރެއްވި ޓްވީޓެއްގައެވެ.
🤦♂️MDP vazeerunge naagaabilu kamuge natheejaa eyruves mihaaruves ebafeney. Nanvanee coalition party thakuge vazeerun. Super majority ah party vazeerah fiyavalhu alhan nukeri mibunanee findi super majority ekey. Rangalhu vazeerun kathilaa kaalhah kaandhey iru Raees behlevumuga. https://t.co/qyf1wEMkFg
— Mohamed Maleeh Jamal (@maleehjamal) July 8, 2021
"އެމްޑީޕީ ވަޒީރުންގެ ނާގާބިލްކަމުގެ ނަތީޖާ އޭރުވެސް މިހާރުވެސް އެބަފެނޭ. ނަންވަނީ ކޯލިޝަން ޕާޓީތަކުގެ ވަޒީރުން. ސުޕަރ މެޖޯރިޓީ ޕާޓީއަށް ވަޒީރަށް ފިޔަވަޅު އަޅަންނުކެރި މި ބުނަނީ ފިނޑި ސުޕަރ މެޖޯރިޓީއެކޭ. ރަނގަޅު ވަޒީރުން ކަތިލާ ކާޅަށް ކާންދޭއިރު ރައީސް ބެއްލެވުމުގަ.: މަލީހް ވިދާޅުވިއެވެ.
މަލީހްގެ ވާހަކައިގާ ވަޒީރަށް ފިޔަވަޅު އަޅަން އެމްޑީޕީން ނުކެރުނު ކަމަށް އަމާޒު ކޮށްފައިވާ ޑިފެންސް މިނިސްޓަރ މާރިޔާ ދީދީއަށެވެ. އިންކުއަރީ ރިޕޯޓްގައިވާ ގޮތުން ނަޝީދަށް ހަމަލާދޭން އުޅޭ ވާހަކަ އިލްޔާސް ވިދާޅުވުމުން މާރިޔާ އަޅައެއް ނުލެއްވިއެވެ.
ނަޝީދު އަވަހާރަކޮށްލުމަށް މޭ މަހުގެ ހަވަނަ ދުވަހުގެ ރޭ ބޮމުގެ ހަަމަލާއެއް ދީފައިވާއިރު، އެ މަނިކުފާނުގެ ސެކިއުރިޓީ ބްރީޗްވި ގޮތް ބަލަން މަޖިލީހުގެ ސަލާމަތީ ހިދުމަތްތަކުގެ ކޮމިޓީ (241 ކޮމިޓީ) އިން ކުރިއަށް ގެންދިޔަ އިންކުއަރީގައި އެކުލަވައިލި ރިޕޯޓް އާއްމުކުރީ މިއަދެވެ.
އެ ރިޕޯޓްގައިވާ ގޮތުން، ނަޝީދުގެ ސެކިއުރިޓީ ބެލެހެއްޓުމާއި ހަވާލުވެފައިވާ އެމްއެންޑީއެފާއި، އިލްޔާސް ހިއްސާކުރެއްވި މައުލޫމާތު މާރިޔާ ހިއްސާއެއް ނުކުރައްވަ އެވެ.