ބޭބެ ސަަލްމާން ހިމަނައިގެން ގެނެސް ދިން ބްލޮކްބަސްޓާ "ދަބަންގް 2" އަށް ފަހު އަރްބާޒްް ހާން ޕްރޮޑިއުސް ކުރާ ދެވަނަ ފިލްމްގެ ބަތަލާއަކަށް ސޯނަމް ކަޕޫރު ހަމަޖައްސައިފި އެވެ.
މިކަން އަރްބާޒް ވެސް ވަނީ ކަށަވަރުކޮށް ދީފަ އެވެ. އޭނާ ބުނީ އަންނަ އަހަރު އަހަރުގެ ކުރީ ކޮޅު މަސައްކަތް ފަށައި އަހަރުގެ ފަހުކޮޅު ރިލީޒް ކުރަން ނިންމާފައިވާ ފިލްމުގެ ނަމަކީ "ޑޮލީ ކީ ޑޯލީ" ކަމަށެވެ.
ނޯތު އިންޑިއާގެ އަންހެން ކުއްޖެއްގެ ވާހަކަ ކިޔައިދޭ މި ފިލްމުގައި ސޯނަމް އާ އެކު ތިން އެކްޓަރުން ފެނިގެން ދާނެ އެވެ. އެކަމަކު އަދި އެއިން އެއްވެސް ތަރިއަކުން ފައިނަލެއް ނުކުރެ އެވެ.
"ޑޮލީ ކީ ޑޯލީ" ޑައިރެކްޓް ކުރަން ހަމަޖެހިފައި ވަނީ އަބިޝެކް ޑޮންގްރާ އެވެ.
ސޯނަމްގެ ކުރިއަށް ހުރި ފިލްމްތަކުގެ ތެރޭގައި "ބޭވަކޫފިޔާން" އާއި ރޭކާ ލީޑް ރޯލް ކުޅުނު "ހޫބްސޫރަތު" ގެ ރިމެކިން ހިމެނެ އެވެ.
އޭނާގެ އެންމެ ފަހުން ރިލީޒްވި "ރާންޖަނާ" އާއި "ބާގް މިލްކާ ބާގް" އަކީ ވަރަށް ކާމިޔާބް ދެ ފިލްމެވެ.