ބޮލީވުޑްގައި މާ ބޮޑު ކުރިއެރުމެއްް ނުލިބުނު އެކްޓަރު ފަރްދީން ހާން އަށް ކުއްޖަކު ލިބިއްޖެ އެވެ.
ކުރީގެ މަޝްހޫރު އެކްޓަރު މަރުހޫމް ފީރޯޒް ހާންގެ ދަރިފުޅު ފަރްދީން އާއި އަންހެނުން ނަޝާތާ އަށް ލިބިފައި ވަނީ އަންހެން ކުއްޖެކެވެ. ނަތާޝާއަކީ ކުރީގެ މަޝްހޫރު ބަތަލާ މުމްތާޒުގެ ދަރިއެކެވެ.
އެ ދެ މީހުންނަށް އިއްޔެ ލިބުނު ދަރިފުޅުގެ ނަމަކީ ޑަޔާނީ އީސަބެއްލާ ހާނެވެ.
އުމުރުން 39 އަހަރުގެ ފަރްދީން އަށް ކުއްޖަކު ލިބުނުކަން ފޭނުންނާ އެންމެ ފުރަތަމަ ހިއްސާ ކުރީ އޭނާގެ ކަޒިންއެއް ކަމަށްވާ ފަރަހް ހާން އަލީ އެވެ.
އޭނާ ވަނީ މި އުފަލުގައި ފަރްދީން އާއި ނަތާޝާގެ އިތުރުން އަލަތު ދަރިފުޅަށް އުފާވެރި ފާގަތި މުސްތަގްބަލެއް ދެއްވުން އެދި ދުއާ ވެސް ކޮށްފަ އެވެ.
ފަރްދީންގެ ފާހަގަކޮށްލެވޭ ބައެއް ފިލްމްތަކުގެ ތެރޭގައި "ހެއި ބޭބީ"، "ނޯ އެންޓްރީ" އަދި "ޖާނަޝީން" ހިމެނެ އެވެ.