ގަރުނުގައި ޔޫރަޕް ދުށް އެންމެ ގަދަ ވިއްސާރަކަމަށް ބެލެވޭ ވިއްސާރައިގެ ސަބަބުން ފެންބޮޑުވެ ޖަރުމަނުގެ 1300 މީހުން ގެއްލިގެން ހޯދަން ފަށައިފިއެވެ.
ކޯރުތައް ބަންޑުން ވުމުގެ ސަބަބުން ގަދަ އޮއިވަރާއެކު ރަށުތެރޭގައި ދަތުރުވަމުންދާ ފެނުގެ ސަބަބުން އެތައް ބަޔަކު ވަނީ ގެއްލިފައެވެ. މިހާތަނަށް ޖަރުމަނުން 49 މީހަކު މަރުވެގެން ވަނީ ރިޕޯޓްކޯށްފައެވެ. މީގެ އިތުރުން ބެލްޖިއަމްއިން 6 މީހަކު ވަނީ މަރުވެފައެވެ. މި އަދަދު ތައް އަދި މަތިވެދާނެ ކަމަށް ކަމާއިބެހޭ ފަރާތްތަކުން ދަނީ ބުނަމުންނެވެ.
މި ވިއްސާރައިގެ އަސަރު އެންމެ ބޮޑަށް ކޮށްފައިވާ ޔޫރަޕްގެ ގައުމުތަކުގެ ތެރޭގައި ޖަރުމަން، ބެލްޖިއަމް، ލަކްސަމްބާގް އަދި އާޖެންޓީނާ ހިމެނެއެވެ.
ފާއިތުވި 100 އަހަރު ތެރޭގައި ވެސް ޔޫރަޕަށް މިފަދަ ގަދަ ވިއްސާރައަކާއި ކުރިމަތިލާން ޖެހިފައިވާ ނުވާ ކަމަށް އެގައުމުގެ މީހުން ދަނީ ބުނަމުންނެވެ. 24ގަޑިއިރުގެ ތެރޭގައި 100 އާއި 150 މިލިމީޓަރުގެ ވާރޭ އެ ސަރަހައްދަށް ވަނީ ވެހިފައެވެ.
500 އެއްހާ ސިފައިން ވަނީ އެންމެ ބޮޑަށް އަސަރު ކޮށްފައިވާ ޖަރުމަން ސަރަހައްދުގައި މީހުންނަށް އެހީވުމަށް ފޮނުވާފައެވެ. ގެތައް ފެނުއަޑީގައިވީ އިރު ކާރުތަކާއި ދަތުރުފަތުރު ކުރާ ވެހިކަލްތައް ވަނީ ފެނުތެރޭގައެވެ.
ގައުމުތަކުގެ މަގުތައް ވަނީ ބޮޑެތި ގަސްތަކާއި ކުނިން ފުރިފައެވެ. މަގުތަކުން ދަތުރު ކުރެވޭނެ އެއްވެސް ގޮތެއް އެ ތަންތަން ސާފު ކުރެވިގެން ނޫނީ ނެތެވެ. މި ހާލަތުގައި މީހުން ހޯދުމުގެ މަސައްކަތުގައި އުޅޭ ފަރާތްތަކަށް ވަނީ ބޮޑެތި ގޮންޖެހުން ތަކާއި ކުރިމަތިލާން ޖެހިފައެވެ.
އެއްތަނުން އަނެއް ތަނަށް ދަތުރު ކުރުން އިންތިހާއަށް އުނދަގޫވެފައިވާ މި ދަނޑިވަޅުގައި މީހުން ހޯދުމަށް ގިނަ ވަގުތު ތަކެއް ނަގާނެ ކަމަށް އެކަމުގައި ހަރަކާތްތެރިވާ ފަރާތްތަކުން ދަނީ ބުނަމުންނެވެ. އެ ވަގުތުގެ ތެރޭގައި އެތައް ބައެއްގެ ފުރާނަ ގެއްލިދާނެ ކަމުގެ ބިރުވަނީ އާއިލާތަކަށް ހީވެފައެވެ.