ޔާޝްރާހް ފިލްމްސް (ވައިއާރްއެފް) ގެ "ގުންޑޭ" ގެ މަސައްކަތް ނިންމާލުމަށް ފަހު، އެ ކުންފުނީގެ "ދިލް ކިލް" އަށް ރަންވީރު ސިންގް ތައްޔާރުވެއްޖެ އެވެ.
މިއީ ވައިއާރްއެފަށް އޭނާ ކުޅޭ ހަތަރު ވަނަ ފިިލްމެވެ. އޭނާ ބޮލީވުޑަށް ތައާރަފްވީ އެ ކުންފުނީގެ "ބޭންޑް ބާޖާ ބާރާތު" އިންނެވެ.
އޭގެ ފަހުން "ލޭޑީސް ވާސަސް ރިކީ ބާލް" އިން ފެނުމަށް ފަހު އަންނަ ފެބްރުއަރީ 14 ގައި ރިލީޒް ކުރާ "ގުންޑޭ" ގެ މަސައްކަތް ރަންވީރު ވަނީ ނިންމާލައިފަ އެވެ.
"ކިލް ދިލް" އަކީ "ބަންޓީ އޯރް ބަބްލީ" އާއި "ސާތިޔާ" ފަދަ ފިލްމްތައް ބެލުންތެރިންނާ ހަމައަށް ގެނެސް ދިން ޝާދް އަލީ ޑައިރެކްޓް ކުރާ ފިލްމެކެވެ.
މި ފިލްމުގައި ރަންވީރާ އެކު ޕަރިނީތީ ޗޯޕްޅާ އާއި އަލީ ޒަފަރު ވެސް ފެނިގެން ދާނެ އެވެ.
މީގެ އިތުރުން "ކިލް ދިލް" ގެ މުހިއްމު ރޯލަކަށް ގޯވިންދާ ވެސް ވަނީ ސޮއިކޮށްފަ އެވެ. މި ފިލްމް ބެލުންތެރިންނާ ހަމައަށް އަންނާނީ އަންނަ އަހަރު އެވެ.
ރަންވީރުގެ އެންމެ ފަހުން ރިލީޒްވި ފިލްމަކީ ދީޕިކާ ޕަދްކޯން އާ އެކު ފެނިގެން ދިޔަ "ރާމް-ލީލާ" އެވެ.