އަދާލަތު ޕާޓީއަށް ނިސްބަތްކޮށް ހަރުކައްޓޭ، މަޑުކައްޓޭ، އަފްޣާނިސްތާނޭ ވިދާޅުވަނީ ވެރިކަން ބޭނުންވެ ވެރިކަން ނުލިބިގެން ކަން ވަރަށް ބޮޑަށް ފާހަގަވާ ކަމަށް މަޝްހޫރު ދީނީ ޢިލްމުވެރިޔާ ޝެއިޚް އަލީ ޒައިދު ވިދާޅުވެއްޖެއެވެ.
ޝެއިޚް ޒައިދު ކުރެއްވި ޓްވީޓްގައި އިތުރަށް ވިދާޅުވީ ވެރިކަމުގެ ދަހިވެތި ކަމަކީ ދުނިޔޭގައި ބައެއް މީހުން ސިކުނޑި މޮޔަވެ، ހަމަމަގު ގެއްލި، ވަރަށް ބޮޑެތި ފިތުނަ ފަސާދަ ވެސ އުފައްދާ ކަމެއް ކަމަށެވެ.
Verikamuge dhahivethi kamaky dhuniyeygai baeh myhun sikundi moyave, hama magu gelli, v bodethi fithuna fasaadha ves ufahdaa kameh! AP ah nisbaikoh baeh faraaithakun harukattey madukattey, afgaanisthaaney vidhaalhuveveny verikan beynun ve verikan nulibigen kan v bodah faahaga vey!
— Ali Zaid (@alizaid1000) July 21, 2021
"ވެރިކަމުގެ ދަހިވެތި ކަމަކީ ދުނިޔޭގައި ބައެއް މީހުން ސިކުނޑި މޮޔަވެ، ހަމަމަގު ގެއްލި، ވަރަށް ބޮޑެތި ފިތުނަ ފަސާދަ ވެސ އުފައްދާ ކަމެއް!އަދާލަތު ޕާޓީއަށް ނިސްބަތްކޮށް ހަރުކައްޓޭ، މަޑުކައްޓޭ، އަފްޣާނިސްތާނޭ ވިދާޅުވަނީ ވެރިކަން ބޭނުންވެ ވެރިކަން ނުލިބިގެން ކަން ވަރަށް ބޮޑަށް ފާހަގަވޭ!" ޝެއިޚް ޒައިދު ވިދާޅުވިއެވެ.
ޝެއިޚް ޒައިދު މިފަދައިން ވިދާޅުވެފައި މިވަނީ ރައީސް އިބްރާހިމް މުހައްމަދު ސޯލިހާ މެދު އުޅެނީ ފިކުރީ ގޮތުން ހިޔާލު ތަފާތުވުމެއް ކަމަށާއި ހަރުކަށި ފިކުރުގެ މީހުން ރުއްސަން މަސައްކަތްކުރެއްވުން ރައީސް ހުއްޓާލަންޖެހޭ ކަމަށް ކުރީގެ ރައީސް އަދި ރައްޔިތުންގެ މަޖިލީހުގެ ރައީސް މުހައްމަދު ނަޝީދު ވިދާޅުވެފައިވާ ވަގުތެއްގައެވެ.
ނަފްތަރުގެ ބިލާއި މެދު އެމްޑީޕީގެ އެތެރޭގައި ޚިޔާލު ތަފާތުވެފައިވާ މި ދަނޑިވަޅުގައި ނަޝީދު ވަނީ ވެރިކަންކުރާ ކޯލިޝަނުގައި ހިމެނޭ އަދާލަތު ޕާޓީން ބުނާ ގޮތަށް ރައީސް ކަންތައް ކުރައްވާ ކަމަށް ތުހުމަތު ކުރައްވާފައެވެ.