އެކްތާ ކަޕޫރުގެ ބަލާޖީން ޕްރޮޑިއުސްކޮށް، މޯހިތު ސޫރީ ޑައިރެކްޓް ކުރާ "ވިލަން" ގެ މަސައްކަތް ފަށައިފި އެވެ.
މި ފިލްމްގެ ލީޑް ރޯލް ކުޅެނީ "އާޝިގީ 2" އިން ވިދާލި ބަތަލާ ޝްރަދާ ކަޕޫރާއި "ސްޓޫޑަންޓް އޮފް ދި އިޔާ" އިން ތައާރަފްވި ސިދާތު މަލްއުތުރާ އެވެ.
އެ ދެ ތަރިންގެ އިތުރުން ރިތޭޝް ދޭޝްމުކް ވެސް "ވިލަން" ގެ ވަރަށް ހާއްސަ ރޯލަކުން ފެނިގެން ދާނެ އެވެ.
މީޑިއާ ރިޕޯޓްތައް ބުނާ ގޮތުން ޝްރަދާ މި ފިލްމުގައި ފެނިގެން ދާނީ މޯހިތުގެ އަންހެނުން އަދި ކުރީގެ ބަތަލާ އުދިތާ ގޮސްވާމީހެ ކެރެކްޓާ އާ ވައްތަރު ރޯލަކުންނެވެ. އަދި ރިތޭޝް ކުޅޭ ރޯލުން ވެސް އޭނާ ބެލުންތެރިން ސިއްސުވާލާނެ ކަމަށްވެ އެވެ.
"ވިލަން" ގެ ޝޫޓިން ޝެޑިއުލެއް ދާދި ފަހުން ގޯއާގައި ވަނީ ނިންމައިފަ އެވެ.