ކަމެއް ދިމާވެގެން ފުލުހުންނަށް މައްސަލައެއް ރިޕޯޓެއް ކުރަން ވެއްޖެ ނަމަ، އަމަލު ކުރަނީ ކިހިނެއް ބާވަ އެވެ؟
އައްޑޫގައި ވެސް ފުލުހުންގެ ތިން ޕޮލިސް ސްޓޭޝަން އެބަ ހުއްޓެވެ. އެއިން ތަނަކަށް މައްސަލައެއް ރިޕޯޓެއް ކުރަން ވެއްޖެ، އެތަނަކަށް ކޮންމެ ފަހަރަކު ދިއުމަކީ، ކޮންމެ މީހަކަށް ފަސޭހަ ކަމަކަށް ނުވެދާނެ އެވެ.
އެހެންވެ ފޯނުން މައްސަލަތައް ރިޕޯޓް ކުރުމަކީ ފަސޭހަ އަދި އަވަސް ގޮތަކަށް ވާނެ އެވެ. އެކަމަކު މިކަން ކުރެވޭނީ ވެސް ޕޮލިސް ސްޓޭޝަންގެ ނަމްބަރުތަކަށް އެނގިގެންނެވެ.
ސ. ގަމާއި ހިތަދު އާއި ހުޅުމީދޫގައި ޕޮލިސް ސްޓޭޝަންތައް ހުރި އިރު، މިއިން ކޮންމެ ތަނަކަށް ވެސް ގުޅޭނެ ނަމްބަރުތަކެއް އެބަ ހުއްޓެވެ. އެކަމަކު ގިނަ ބަޔަކަށް އެ ނަމްބަރުތައް ނޭނގޭކަން ފާހަގަ ކުރެ އެވެ.
އެހެންވެ ނަމްބަރު އެނގުން ކޮންމެހެން ވެސް ވަރަށް މުހިއްމެވެ. މިކަމަށް އޮތް ހައްލަކީ މި އެވެ.
ނަންބަރުތައް ފޯނަށް ސޭވްކޮށްލައްވާށެވެ.
ހިތަދޫ ޕޮލިސް ސްޓޭޝަންގެ މޮބައިލް ނަމްބަރަކީ 9791612 އެވެ. ލޭންޑް ލައިން ނަމްބަރަކީ 6888825 އެވެ.
ގަން ޕޮލިސް ސްޓޭޝަންގެ މޮބައިލް ނަމްބަރަކީ 9792058 އެވެ. އަދި ލޭންޑް ލައިން ނަމްބަރަކީ 6898026 އެވެ.
މީގެ އިތުރުން ހުޅުމީދޫ ޕޮލިސް ސްޓޭޝަނާ ގުޅޭ ނަމްބަރަކީ 9791366 އެވެ.
އެއްވެސް ކަމަކާ ގުޅިގެން ފުލުހުންނަށް މައްސަލައެއް ރިޕޯޓް ކުރަން ވެއްޖެ ނަމަ މި ނަމްބަރުތަކަށް ގުޅާށެވެ.