ކުރީގެ އިކޮނޮމިކް މިނިސްޓަރ އަޙްމަދު މުޙައްމަދު (އަންޑޭ) މޯލްޑިވްސް ނޭޝަނަލް ޕާޓީ(އެމްއެންޕީ)އާއި ގުޅިވަޑައިގެންފިއެވެ.
ރައްޔިތުންގެ މަޖިލީހުގެ ދަގެތީ ދާއިރާގެ މެމްބަރު މުޙައްމަދު ނާޒިމް، (ކާނަލް ނާޒިމް) އިސްވެ ހުންނަވައިގެން އުފައްދާ އެމްއެންޕީ އަށް އަންޑޭ ސޮއިކުރިކަން އެ ޕާޓީން ވަނީ ޓްވީޓެއްގެ ޒަރިއްޔާއިން ހާމަކޮށްފައެވެ.
Ahmed Mohamed (Andey) Maldives National Party (MNP) aai gulhivadai genfi. Andey vanee daulathuge iss ethahmagaam thakeh furuh vaafa eve. Andey emme fahun furuvi magaama kee Rajje in India ah kanda alhafai vaa Safeer kamuge magaam eve.@ahmedMDV @AdhadhuMV @sunbrk @Mihaarunews pic.twitter.com/2cjwCbyFOB
— Maldives National Party (@MNP_Secretariat) July 29, 2021
އަންޑޭ އަކީ ދައުލަތުގެ އިސް މަޤާމުތަކެއް ފުރުއްވާފައިވާ ބޭފުޅެކެވެ. އެގޮތުން އިކޮނޮމިކް މިނިސްޓަރ ކަމާއި، ކޮމިޝަނަރ ޖެނެރަލް އޮފް ކަސްޓަމްގެ މަޤާމާއި، ފޮރިން މިނިސްޓްރީގެ އެމްބަސެޑާ އެޓް ލާޖުގެ މަޤާމުވެސް އަންޑޭ ވަނީ ފުރުއްވާފަ އެވެ. މީގެ އިތުރުން ކުރީގެ ރައީސް އަބްދުﷲ ޔާމީންގެ ވެރިކަމުގައި ރާއްޖެއިން އިންޑިއާއަށް ކަނޑައެޅުއްވި ސަފީރުގެ މަޤާމުވެސް އަންޑޭ ވަނީ އަދާކުރައްވާފައެވެ.
އެމްއެންޕީއަށް މެމްބަރުން އިތުރުކުރުމުގެ މަސައްކަތް ކުރުމަށް ދާދިފަހުން ވަނީ މާލޭގައި ޕާޓީގެ އޮފީހެއް ވެސް ހުޅުވާފައެވެ.
އެ ޕާޓީ އުފެއްދުމުގެ ހުއްދަ އިލެކްޝަންސް ކޮމިޝަނުން ދީފައިވާއިރު، އެ ޕާޓީ އުފެއްދުމުގެ ހުއްދައަށް އެދިވަޑައިގެންފައިވަނީ ވިލިމާލެ ދާއިރާގެ މެމްބަރު އަހުމަދު އުޝާމް އެވެ.