ﷲގެ އިރާދަފުޅާއެކު ދެން އަހަރަކު ދިވެހި ހައްޖާޖީންނަށް ހައްޖަށް ދިއުމުގެ ފުރުސަތު ލިބޭނެ ކަމަށް އައިޖީއެމްއެޗްގެ އެތެރެހަށީގެ ހާއްސަ ޑޮކްޓަރ މުހައްމަދު އަލީ ވިދާޅުވެއްޖެއެވެ.
މިކަމާއި ގުޅޭގޮތުން ޑޮކްޓަރު މުހައްމަދު އަލީ ކުރެއްވި ޓްވީޓްގައި ވަނީ ހައްޖަށް ދިޔުމަށްޓަކައި މިއަދުން ފެށިގެން ފުރިހަމަ ސިއްޙަތެއްގައި ހުރުމަށް ކުރަންޖެހޭ ހުރިހާކަމެއް ކުރުން ވަރަށް މުހިއްމު ކަމަށް ވިދާޅުވެފައެވެ.
އެގޮތުން ކުރަންޖެހޭ މުހިއްމު ކަންތައް ވެސް ޑޮކްޓަރު ވަނީ ފާހަގަ ކުރައްވާފައެވެ.
إنْ شاء الله
ދެންއަހަރަކުން ދިވެހި ހައްޖާޖީންނަށް ހައްޖަށް ދިއުމުގެ ފުރުސަތު ލިބޭނެ.
މިއަދުން ފެށިގެން ފުރިހަމަ ސިއްޙަތެއްގައި ހުރުމަށް ކުރަންޖެހޭ ހުރިހާކަމެއް ކުރުން ވަރަށް މުހިއްމު.
0. ހައްޖައްދިއުމަށް ނިޔަތްގަނެ އެކަމަށް ﷲ ގެ ހަޛްރަތަށް ދުޢާދެންނެވުން https://t.co/Nmbn2VB8Pl
— Dr. Mohamed Ali (@Moxamedalu) August 1, 2021
1. ދިގުމުއްދަތަކަށް ބޭސްކާންޖެހޭ ބަލިމީހުންގެ ބަލިތައް ކޮންޓުރޯލްކުރުން
2. ސިއްޙަތަށް ފައިދާހުރި ކާނާކެއުން
3. މަދުވެގެން40 މިނިޓް، ހަފްތާއަކު 5 ދުވަހު ކަސްރަތުކުރުން
4. ޖަހަންޖެހޭ ވެކްސިންތައް ވީހާވެސް އަވަހަކަށް ޖެހުން— Dr. Mohamed Ali (@Moxamedalu) August 1, 2021
ޑރ މުހައްމަދު އަލީ ހައްޖަށް ދިޔުމަށް ބޭނުންވާ ފަރާތްތަކުން ސަަމާލުކަން ދޭންޖެހޭ ކަމަށް ވިދާޅުވި ކަންތައްތަކުގެ ތެރޭގައި ހައްޖައްދިއުމަށް ނިޔަތްގަނެ އެކަމަށް ﷲގެ ހަޛްރަތަށް ދުޢާދެންނެވުން، ދިގުމުއްދަތަކަށް ބޭސްކާންޖެހޭ ބަލިމީހުންގެ ބަލިތައް ކޮންޓުރޯލްކުރުން، ސިއްޙަތަށް ފައިދާހުރި ކާނާކެއުން، މަދުވެގެން 40 މިނިޓް، ހަފްތާއަކު 5 ދުވަހު ކަސްރަތުކުރުން، ޖަހަންޖެހޭ ވެކްސިންތައް ވީހާވެސް އަވަހަކަށް ޖެހުން ހިމެނެއެވެ.
2021 ވަނަ އަހަރު ހައްޖު އަޅުކަމަށް ރާއްޖެއިން އެއްވެސް ފަރާތަކަށް ދިޔުމުގެ ފުރުސަތު ލިބިފައެއް ނުވެއެވެ. ކޮވިޑް 19ގެ ސަބަބުން ހައްޖަށް ދިޔުމަށް ހުއްދަ ދެވުނީ އެންމެ 60،000 މީހުންނަށެވެ. އެ ވެސް ފުރިހަމައަށް ވެކްސިން ޑޯޒް ޖަހައިގެން ތިބި ފަރާތްތަކެވެ. ހައްޖުގެ އަޅުކަން މިއަހަރު އަދާކޮށްފައިވަނީ މާސްކް އަޅާ އިޖްތިމާޢީ ގައިދުރުކަން ގައިމު ކޮށްގެންނެވެ.