ސ. މަރަދޫފޭދޫ ބޮޑު ކަތީބުކަން ވަރަށް ގިނަ ދުވަސްތަކެއް ވަންދެން ކުރެއްވި އަލީ ނިޒާރު ޕީޕީއެމަށް ސޮއި ކުރައްވައިފި އެވެ.
ޕީޕީއެމުން ބުނީ އެ ޕާޓީގެ ލީޑަރު މައުމޫން އަބްދުލް ގައްޔޫމަށް އަބަދުވެސް ވަރަށް ބޮޑަށް ތާއީދު ކުރައްވާ އަލީ ނިޒާރު އެ ޕާޓީ އަށް ސޮއި ކުރެެއްވީ މި މަހުގެ 11 ވަނަ ދުވަހު ކަމަށެވެ.
ގިނަ ދުވަސްތަކެއް ވަންދެން ކަތީބުކަން ކުރެއްވުމަށް ފަހު، އެ މަގާމުން އަލީ ނިޒާރަށް ދުރަށް ވަޑައިގަންނަވަން ޖެހިވަޑައިގެންނެވީ ކުރީގެ ރައީސް މުހައްމަދު ނަޝީދު 2008 ވަނަ އަހަރު ބޭއްވި ރިޔާސީ އިންތިހާބް ކާމިޔާބް ކުރައްވައި، ސަރުކާރު ހިންގެވުމަށް ގެންނެވި ބަދަލުތަކާ ގުޅިގެންނެވެ.
އަލީ ނިޒާރު ވަނީ 2011 ވަނަ އަހަރު ބޭއްވި އައްޑޫ ސިޓީ ކައުންސިލް އިންތިހާބުގައި މަރަދޫ ދާއިރާ އަށް ވެސް ކުރިމަތިލައްވައިފަ އެވެ.
އޭނާ މިހާރު ހުންނެވީ ފެނަކަ ކޯޕަރޭޝަންގެ އައްޑޫ ޔުނިޓް ހިންގެވުމުގެ އިސްވެރިއެއްގެ މަގާމުގަ އެވެ.