މިދާވަރުން ދަންޏާ އާންމުންގެ ގޯތި ގެދޮރާއި އަނބިދަރިން ވެސް ރަހުނު ކޮށްފާނެ ކުރީގެ ޑިފެންސް މިނިސްޓަރު އަދި މަޑުއްވަރީ ދާއިރާގެ މެމްބަރު އާދަމް ޝަރީފް ވިދާޅުވެއްޖެއެވެ.
އާދަމް ޝަރީޕް މި ފަދައިން ވިދާޅުވީ ވެލާނާގެ އާއި އޮލިމްޕަސް ވެސް ރަހުނު ކުރަނީކަމަށް އޮންލައިން ނޫހެއްގައި ލިޔެފައިވާ ޚަބަރަކަށް އިޝާރާތް ކުރައްވާ ކުރެއްވި ޓްވީޓެއްގައެވެ.
Midhaavarun dhangnaa aammunge goathi gedhoraai an'bi dharinves rahunu koffaane! Maalee & iqthisoadhee evves siyaasatheh neiy bayaku verikamugai thibegen hadhaa goasthakun raajje midhanee banguroot vamun.Qaumu salaamaiy kuran rayyithun athugulhaalanjehey!
https://t.co/6mdIvRKkgQ— Adam Shareef Umar (@Adamshareefz) August 2, 2021
"މިދާވަރުން ދަންޏާ އާންމުންގެ ގޯތި ގެދޮރާއި އަނބިދަރިން ވެސް ރަހުނު ކޮށްފާނެ! މާލީ އަދި އިޤްތިޞާދީ އެއްވެސް ސިޔާސަތެއް ނެތް ބަޔަކު ވެރިކަމުގައި ތިބެގެން ހަދާ ގޯސްތަކުން ރާއްޖެ މިދަނީ ބަނގުރޫޓް ވަމުން! ޤައުމު ސަލާމަތް ކުރަން ރައްޔިތުން އަތުގުޅާލަންޖެހޭ." އާދަމް ޝަރީފް ވިދާޅުވިއެވެ.
މާލީ އަދި އިޤްތިޞާދީ އެއްވެސް ސިޔާސަތެއް ނެތް ބަޔަކު ވެރިކަމުގައި ތިބެގެން ހަދާ ގޯސްތަކުން ރާއްޖެ މިދަނީ ބަނގުރޫޓް ވަމުން ކަމަށާއި ޤައުމު ސަލާމަތް ކުރަން ރައްޔިތުން އަތުގުޅާލަންޖެހޭ ކަމަށް ވެސް އާދަމް ޝަރީފް ވަނީ ވިދާޅުވެފައެވެ.
ވެލާނާގެ އާއި އޮލިމްޕަސް ރަހުނުކުރުމަށް އެކި މުއައްސަސާތަކުން ހޯދަންޖެހޭ މަޢުލޫމާތުތައް ހޯދުމަށްޓަކައި ކަމާއިގުޅުންހުރި އިދާރާތަކަށް ފިނޭންސް މިނިސްޓްރީއިން ވަނީ ސިޓީފޮނުވާފައި ކަމަށް ވާހަކަތަކެއް ވަނީ ފެންމަތިވެފައެވެ. އެހެން ނަމަވެސް ސަރުކާރުން މިފަދަ މައުލޫމާތެއް މިހާތަނަށް ރަސްމީކޮށް ހާމަކޮށްފައެއް ނުވެއެވެ.