ޗެނަލް 13 ގެ ޗީފް އެގްޒެކެޓިވް އޮފިސަރު (ސީއީއޯ) ގެ މަގާމަށް ސ. ފޭދޫ ރަންކޮކާގޭ އައިމަން އަބްދުއްސައްތާރު ހަމަޖައްސައިފި އެވެ.
އައިމަންއަކީ ކުރިން ޓީވީއެމްގައި ގިނަ ދުވަސްތަކެއް ވަންދެން މަސައްކަތް ކުރުމަށް ފަހު ފޭދޫގައި ހިންގާ "ޔޫ ސްޓޫޑިއޯ" ގެ ހިންގުމުގައި ވެސް އިސް ދައުރެއް އަދާ ކުރި ޒުވާނެކެވެ.
އެގޮތުން 2009-2010 އަށް އޭނާ ޔޫ ސްޓޫޑިއޯގައި މަސައްކަތްކޮށްފައިވެ އެވެ. އެ ސްޓޫޑިއޯއަކީ އައްޑޫގައި ހުންނަ ޓީވީއެމްގެ ނިއުސް ކާސްޓަރު ނަސްރުﷲ އަބްދުލް ހާދީ ހިންގާ ސްޓޫޑިއޯއެކެވެ.
އައިމަން ޗެނަލް 13 ގެ ސީއީއޯގެ މަގާމަށް އައުމުގެ ކުރިން އޭނާ ވަނީ ލިންކް ސާވްގެ އިސް މަގާމެއް ވެސް އަދާކޮށްފަ އެވެ.
އެނގިފައިވާ ގޮތުގައި އޭނާ ޗެނަލް 13 އާ ގުޅުނީ މަހަކު 15،000ރ. ގެ މުސާރައަކަށެވެ.
އެ ޗެނެލަކީ އައްޑޫގެ މަޝްހޫރު ވިޔަފާވެރިވެރިއެއް ކަމަށްވާ ގްލޯބަލް ލިންކްސްގެ ވެރިޔާ މުހައްމަދު ޖުނޭދު ހިންގަވާ ޓީވީ ޗެނަލެކެވެ.